بسبب لعب الأطفال.. استغاثة شاب تعدى عليه 9 مواطنين بالشوم والسنج بالخانكة: مبقدرش اتحرك وعايز حقي | بث مباشر

شهدت قرية كفر حمزة التابعة لمركز الخانكة في محافظة القليوبية، واقعة تعدي 9 من الأشخاص على شاب وإصابته إصابات خطيرة باستخدام أسلحة بيضاء، بسبب خلاف على لعب الأطفال.

وقال الشاب خالد المجني عليه، إن بداية الواقعة عندما تشاجر الأطفال مع بعضهم، وإن يوم الواقعة ذهب أهل المجني عليه إلى المتهمين وتصالحوا وأنهوا الخلاف، مضيفا: تاني يوم وأنا جاي من شغلي لقيتهم جايين ورايا بالشوم والسنج وضربوني قدام بيتنا.

وتابع الشاب خالد المجني عليه أنه كان هناك واقعة سابقة وأن طرفي المشاجرة جلسوا في قعدة عرفية وحرر محضر بالواقعة، مضيفا: طلع ليهم مبلغ 100 ألف جنيه وكنا بنجهز المبلغ لهم علشان نعطيه لهم، لكنهم هددونا وقالوا لعمي إنهم هياخدوا حقهم مني، وهما معروفين بالغدر.

واستكمل المجني عليه أن المتهمين ترصدوا له عندما كان ذاهبا لعمله الساعة السادسة صباحا، مضيفا: 9 أشخاص نزلوا عليا بالشوم وأصابوني بكسر في إيدي وشرخ في رجلي، و10 غرز في رأسي.. ونزلوا عليا بالسنج والمطاوي.. الأهالي جم يحوشوا هددوهم هيضربوهم.. ومبقتش قادر أتحرك.. أنا عايز حقي.