أمير كرارة: أجور الفنانين على السوشيال ميديا مش صحيحة.. والناس ليه بتشتمنا وتجري تتصور معانا؟
تحدث الفنان أمير كرارة، عن أجور الفنانيين التي يتم نشرها عبر مواقع التواصل الاجتماعي، بجانب التعليق على انتقادات الجمهور للفنانيين.
أمير كرارة: أجور الفنانين على السوشيال ميديا مش صحيحة
وقال أمير كرارة، في تصريحات تلفزيونية: أنا معرفش الأجور ولا أعرف مين بياخد إيه، وأنا بحدد أجري على أساسي أنا مش على أساس حد، وياريت أكون الأعلى أجر، وفي صفحات بتنزل أجور الفانيين وبلاقيهم كاتبين أني باخد 55 مليون، والله ما في ربع ولا 1/8 حتى من الرقم ده، والأجور الصح معروفة عند المنتج والضرايب.
وعن انتقادات الجمهور للفنانيين، قال أمير كرارة: أنا بزعل من الناس اللي بتشتم الممثلين، أنتم ليه بتشتمونا؟ إحنا بنعمل شغل علشانكم ومستني كلمة مبروك، وناس كتير من اللي بيشتمونا بيجروا علينا يتصوروا معانا، بالراحة على الممثلين، كلنا واحد وحبايب وخلوا في احترام بينا علشان أحترمك.
أمير كرارة: رامز جلال براند لوحده
كما أعرب أمير كرارة، عن حبه للفنان رامز جلال، قائلًا: بحب رامز جلال وهو راجل ناجح ومركز وبراند لوحده، ولما بيعمل فيلم بيكون مظبوط، واللي رامز بيعمله مافيش حد بيعرف يعمله غيره.
مسلسل بيت الرفاعي
ويشارك الفنان أمير كرارة، في السباق الرمضاني بمسلسل بيت الرفاعي، ويشاركه في بطولة العمل كل من: أحمد رزق، أحمد فؤاد سليم، رحاب الجمل، ميرنا جميل، سيد رجب، والعمل من تأليف بيتر ميمي، وإخراج أحمد نادر جلال.
