مريض نفسي.. سيدة تستغيث لعلاج زوجها بالمنيا: بيكسر البيت وحاول يخنقني عشان يموتني | بث مباشر

استغاثت سيدة تدعى فوزية محمد، مقيمة في محافظة المنيا؛ وذلك من أجل علاج زوجها الذي يعاني من مرض نفسي أدى إلى تدهور حالته بشكل كبير.

استغاثة سيدة لعلاج زوجها في المنيا

وقالت السيدة فوزية، إن زوجها مصاب بمرض نفسي يدفعه للقيام بأفعال مريبة، حيث إنه في بعض الأحيان يصاب بحالة انهيار وانفعال كبيرة تدفعه إلى تحطيم وتكسير كل شيء أمامه.

وتابعت: جوزي عنده حالة نفسية بتخليه يقوم يكسر كل حاجة قدامه وبيهددني ويمسكني من رقبتي يخنقني.. وبييجي عليه وقت بيرفض الأكل والشرب وبيسيب البوتاجاز شغال عشان يولع فينا.

وأضافت السيدة فوزية أن حالتهم المادية غير مستقرة لذلك فهي لا تستطيع أن تشتري العلاج اللازم لزوجها، مما أدى ذلك إلى تدهور حالته أكثر خلال الفترة الماضية، معلقة: جوزي مكنش بيشتغل وكنا عايشين على الله.. ومش معايا فلوس عشان أجيب الدوا بتاعه.

وأوضحت أن زوجها يعاني من هذا المرض النفسي منذ 25 عامًا، وحتى الآن لم يُعالج بل تتدهور حالته مع تقدم الوقت.

واستكملت: بقالنا 25 سنة على الحال ده يعني عمر تاني.. جوزي مبهدلني وبيعمل تصرفات غريبة وبيأذينا وهو مش واعي.

وأشارت السيدة فوزية إلى أنها عرضت زوجها على أكثر من طبيب في محاولة منها لعلاجه، مختتمة: بخاف أنام جنبه عشان بيقوم يخنقني وهو مش واعي.. مش عايزة حاجة غير إنه يبقى كوبس لأني مبقتش قادرة أعالجه عشان مش معايا فلوس.