نجلاء بدر ومي عمر في مقالب رامز وبوسي تهاجم سعد الصغير.. السباق الدرامي والفني في ثاني أيام رمضان |بث مباشر

استضاف الفنان رامز جلال، اليوم الثلاثاء، في ثاني حلقات برنامجه رامز جاب من الآخر؛ الفنانة مي عمر ومعها الفنانة نجلاء بدر، واللتان وقعتا ضحية برنامج المقالب، قائلا: إحنا جايبينكم النهاردة عشان تصفوا اللي بينكم، ومحدش يقدر يجيبكم غيري.

بوسي تهاجم سعد الصغير 

في سياق آخر، هاجمت المطربة بوسي، المطرب الشعبي سعد الصغير،  بسبب تصريحاته حول مساعدته لوالدها الراحل، قائلة: أول مرة أشوف راجل كده، وأنا متقارنش بيه ومعرفش اللي بيعمله ده غيرة ولا إيه، وهو عايز مني إيه ولا ده لمصلحة مين ولا بتعمل أي بروباجاندا علشان الناس تاخد بالها منك، ليه ما بتصدق أي حد يقول حاجة تقوم فارش الملاية.

وأضافت: هو أنا مستنية حد يعمل اللي قال عليه ده لأبويا.. هو لما حد يجيبلي أنتريه ولا تلاجة ولا بوتاجاز بـ 50 ولا 60 ألف جنيه مش هعرف أعمل ده.. أنا ياما عملت كتير وإخواتي عارفين.. وأخويا اللي جاب أبويا يقعده في شقة أمي لأنه مبيدفعش الإيجار، وأنا عمري ما قصرت مع أبويا في حاجة.

محمود العسيلي يَتهم بسرقة الموسيقى التصويرية لـ مسلسل العتاولة

من ناحية أخرى، هاجم الفنان محمود العسيلي الموسيقى التصويرية لأحد المسلسلات التي تعرض في موسم رمضان الحالي، كونه مقتبس الموسيقى التصويرية من الموسيقى التصويرية للمسلسل الإسرائيلي طهران، وبالبحث تبين أن المسلسل المقصود في منشور محمود العسيلي هو مسلسل العتاولة.

من جانبه؛ رد الموسيقار ساري هاني على اتهام الفنان محمود العسيلي بسرقة الموسيقى التصويرية لـ مسلسل العتاولة بطولة الفنان أحمد السقا، قائلا: معنديش أي تعليق على الموضوع ده بصراحة، نرجع لناس بتفهم مزيكا ونحط الاتنين جنب بعض ويشوفوا هل أنا فعلا سارق موسيقى مسلسل العتاولة من مسلسل طهران ولا لا.. وأنا ومحمود العسيلي صحاب ومكلمنيش.. بس براحته ده رأيه الشخصي.