تامر حسني يرد على انتقادات الجمهور.. وفيفي عبده: الست اللي تتخان تعمل نفسها مش عارفة | بث مباشر

شهدت مواقع التواصل الاجتماعي خلال الأيام الماضية وخاصة مع بداية أول أيام شهر رمضان الكريم، هجومًا على الفنان تامر حسني بعد ظهوره في إعلان شيبسي.

هجوم على الفنان تامر حسني 

وأتهم الجمهور الفان تامر حسني، بعدم تضامنه مع القضية الفلسطينية بعد ظهوره في إعلان منتج شيبسي الذي قاطعه الشعب المصري، هو وأغلب المنتجات الداعمة للكيان الصهيوني منذ بداية الاعتداءات الإسرائيلية على قطاع غزة.

وبعد مرور 3 أيام على الهجوم والانتقادات ضد الفنان تامر حسني، حرص الفنان على توضيح الأمر لمتابعيه.

وكتب الفنان تامر حسني على حسابه الشخصي: مساء الخير عليكم.. بقالي يومين بتابع اللي بيحصل واحترامًا للجميع.. أنا بوضح حاجه بخصوص إعلان شيبسي الأخير، أولًا أنا على قوة الشركة من سنتين قبل أي أحداث وده مش أول إعلان ده ثالث إعلان في عقدي، معلش أحيانًا الكلام عند بعض الناس بيبقى سهل وتحديدًا لما بيكون بدون علم بالعقود وبحيثيات الموضوع كله.

وأضاف تامر حسني: ثانيًا.. أنا مضيت على عقد مكتوب فيه إن شيبسي شركة مصرية ولها سجل تجاري ضريبي مصري منفصل والبند قدامكم اهوه لصدق كلامي.. وثالثًا والأهم لأي حد بيشكك في انتمائي للقضية الفلسطينية هقوله أنا من 20 سنة وأنا في ضهر القضية ومش كلام وأغاني بس.. لأ.. أنا رحت بنفسي معبر رفح أثناء الضرب لمساندة أهالينا هناك بأكبر حملة.. معتقدش في حد هيخاطر بحياته ويروح بنفسه معبر رفح اثناء الضرب مجامله مثلا.

واختتم الفنان تامر حسني منشوره: أخيرًا.. أنا لما قررت أكون الوجه الإعلاني لشيبسي من سنتين لأنه منتج مصري كل المصريين بيحبوه والبطاطس من الفلاحة المصرية وبيتباع في مصر بس واتربينا عليه والأهم إن الشخص البسيط يقدر يشتريه في ظل ظروفنا الاقتصادية وأظن ده واضح في الإعلان.. ده كان شعوري الشخصي اتجاه الحملة وأنا بمضيها من سنتين عشان كده كان واجب عليا التوضيح للجميع وللّي مش واصلاله الصورة بكل احترام.. وشكرًا لكل اللي ردوا عني وهما مغمضين حقيقي انتو نعمه كبيره من ربنا ألف شكر ورمضان كريم على الجميع.

وفي سياق آخر، كشفت الفنانة فيفي عبده، خلال ظهورها بأحد البرامج التليفزيونية، تلقيها عروض زواج حتى الآن على الرغم من تقدمها في العمر.

وأعربت الفنانة فيفي عبده عن استيائها من انتقادات الجمهور للسيدات اللاتي يتزوجن في سن كبيرة، بجانب كشف رأيها في دخول حفيدتها إلى وسط الرقص الشرقي.

وقالت فيفي عبده: الرجالة كلها بتخون واللي تقول مش بيخون وماشي على الصراط المستقيم مش صحيح، ولابد يكون الراجل عنده نزوات، وبتبقى قمر وتتخان، والمفروض تعمل نفسها مش عارفة.