والدة الراحل محمد عبد الوهاب عن إصابة أحمد رفعت: تعبت لما عرفت وبدعيله | بث مباشر

قالت الحاجة نجاة والدة اللاعب الراحل محمد عبد الوهاب نجم النادي الأهلي، إنها تأثرت نفسيا بشكل كبير وتعرضت لمشاكل طبية تمثلت في ارتفاع ضغط الدم بعد معرفتها بالإصابة التي تعرض لها اللاعب  أحمد رفعت نجم نادي فيوتشر منذ أيام خلال مباراة فريقه، ونقله إلى المستشفى في حالة خطيرة، مؤكدة أنها تذكرت رحيل نجلها وهو ما تسبب في الوعكة الصحية لها.

والدة محمد عبد الوهاب: لما عرفت اللي حصل لأحمد رفعت افتكرت ابني

وأضافت والدة اللاعب الراحل محمد عبد الوهاب: أنا مش بتابع مباريات كورة وولادي هما اللي حكولي اللي حصل لأحمد رفعت.. ولما عرفت اتأثرت بشكل كبير والضغط ارتفع.. لأني افتكرت محمد ابني، والذكريات اللي حصلت في الفترة دي.. وأنا بدعي لابننا أحمد إن ربنا يشفيه.. وميزعلش حد على ولاده.. وأنا أكتر واحدة حاسة بوالدته.

ووجهت الحاجة نجاة والدة اللاعب الراحل محمد عبد الوهاب نجم النادي الأهلي، رسالة دعم لوالدة اللاعب أحمد رفعت نجم نادي فيوتشر، قائلة: عليكي بالدعاء.. وربنا يجبرك.. وبإذن الله هيقوم ويبقى كويس.. وأنا متابعة حالته الصحية من ولادي وبطمن عليه وبدعي له.