ميدو: رفضت عرض لـ تدريب منتخب مصر عشان الفلوس.. ومش هأكل عيالي وطنية
كشف أحمد حسام ميدو نجم نادي الزمالك السابق ومنتخب مصر، تلقيه عرض في وقت سابق لـ تدريب منتخب مصر الأوليمبي.
تصريحات ميدو
وقال أحمد حسام ميدو في تصريحات تلفزيونية: أنا مش مادي ومش بتعلق بالأشياء، وبصرف فلوسي على انبساطي وعلى عيلتي وعلى شغلي.
وأضاف: رفضت عرض تدريب منتخب مصر الأوليمبي عشان كنت ماضي عقد مع بيراميدز مع تركي آل الشيخ، وجالي عرض من المنتخب الأوليمبي كان سيف زاهر وهاني أبو ريدة، قلتلهم هديكوا 50% من مرتب بيراميدز كنت باخد 70 ألف دولار، والمنتخب عرض عليا 180 ألف جنيه وكله عشان الوطنية يعني هتأكلوا عيالي وطنية، ودي كانت سياسة المنتخب الأولمبي.
وأكمل: مينفعش لاعب عندي وأنا مدرب يشتمني رغم أن أنا راجل مسامح، ومعندناش حد بقيمة كابتن حسن شحاتة جمهور ناديه يشتمه، بس نفسي كابتن حسن شحاتة يتخطى الأمور.
وأتم ميدو تصريحاته قائلا: رئيس الاتحاد بياخد فلوس من الاتحاد الدولي، لكن فيه مشكلة إن مفيش حد معاه رخصة برو عشان نحل مشاكلنا، وأنا مبحبش الكدب ولو كابتن علاء نبيل معاه البرو يطلعها وأنا أروح أبوس دماغه، وحسام حسن مش معاه رخصة برو ولازم ياخذها عشان يحضر الماتشات، ومفيش حد هينزل مع حد التوربة وكل واحد هينزل لوحده وأنا راجل بصلي وبعامل الناس باحترام ولو دخلت النار هزعل.
