اتكلم في شرفي.. بوسي ترد على تصريحات هشام ربيع: الشهرة واكله دماغه ومعملش حساب للعشرة | فيديو
ردت الفنانة بوسي على تصريحات طليقها هشام ربيع، والذي علق من خلالها على تصريحاتها التلفزيونية الأخيرة، وذلك من خلال تسجيل صوتي نشرته الإعلامية بسمة وهبة عبر حسابها الشخصي على موقع تبادل الصور والفيديوهات انستجرام.
بوسي ترد على تصريحات طليقها هشام ربيع
وقالت بوسي: أنا ندمانة إني قولت إني بحبه لأني مكنش ينفع أعمل كده أصلًا.. شوفي طالع بيتكلم إزاي عليا وبيتكلم في سيرتي وعرضي وشرفي مع إن من ساعة ما حصلت المشاكل عمري ما جبت سيرته بكلمة وحشة.
واستكملت بوسي: عمري ما قولت كلمة وحشة عنه وعمري ما أعمل كده لأن دي تربيتي وأخلاقي.. ده الفرق بين تربية شارع الهرم والكباريهات وتربية ابن الناس ابن الأصول اللي بيفهم في الأصول.
كما أضافت بوسي: مكنتش متخيلة للدرجادي إن الشهرة واكله دماغه وإنه بيستغل الشهرة دي على قفايا وعلى قفا الست اللي كانت مراته في يوم من الأيام اللي كانت بتنام جنبه على سرير واحد وبياكلوا مع بعض عيش وملح.. أنا مصدومة ومعنديش كلام أقوله بجد.
وتابعت بوسي: المشكلة إني يوم التصوير يوم الحلقة بعد ما مشيت جه اتعشى معايا وكان عندي وعلاقتنا كانت كويسة جدًا ومافيش أي حاجة.. بس مكنتش متخيلة إن بعد الكلام الكويس اللي أقوله في الحلقة عنه وأدافع عنه وأطلعه مظلوم وبريء وإنه تعرض للنصب يبقى ده جزائي.. ومعنديش حاجة أقولها غير حسبي الله ونعم الوكيل.
يُذكر أن هشام ربيع طليق الفنانة بوسي، رد على تصريحاتها التلفزيونية الأخيرة وقال: أنا معملتش حاجة لـ بوسي كل اللي عملته إني دافعت واتسجنت ودفعت ملايين عشان خاطرها.. وفي الآخر طلعت ندله ومش جدعة وناكرة للجميل.
