أسما شريف منير: رفضت تقديم إعلان مُغري لشركة عالمية لأجل غزة.. وربنا عوضني
كشفت أسما شريف منير، عن أنها رفضت إعلانًا لشركة عالمية بمبلغ مغري بسبب تضامنها مع غزة، ورفضها ترويج للمنتجات المقاطعة.
أسما شريف منير: رفضت تقديم إعلان لشركة عالمية
وقالت أسما شريف منير في لقائها مع القاهرة 24: رفضت عرض إعلان لشركة عالمية، لتقديم إعلان لفترة طويلة والعرض مغري وأنا رفضت وحسيت إني عندي قوة إرادة كويسة إني أعمل ده وعندي مبدأ مش بقول كلام وخلاص، ومش بقول كلمتين إحنا مع غزة وخلاص وربنا عوضني.
وأضافت أسما شريف منير: بصراحة فيه حاجات مش عارفة أقاطعها علشان مش لاقية البديل، وفي حاجات مش بكون عارفة إنها مقاطعة.
على جانب آخر، تحدثت أسما شريف منير عن الانتقادات التي تعرضت بعد حلقها شعرها وقالت: أنا جلدي تخن في إني اتحمل انتقادات، وجالي انتقادات كتير وكنت واثقة من اللي عملته وكنت بعمله علشان حاسة إني عاوزة أعمل كده، وحاسة إن دي حاجة شخصية ومحدش له دعوة بيها.
كما تحدثت عن دعم والدها شريف منير لها قائلة: كنت متوقعة لأنه دايما في ضهري وبيدافع عني، وإحنا مش بنشوف بعض كتير بسبب شغله وشغلي، والدنيا بتاخدنا لأن هو عنده حاجات وأنا عندي حاجات، واللي متأكدة منه إن لو فيه كارثة هيكون في ظهري.
