سعد الصغير: بوسي سبب حبس طليقها السابق.. ربطته وضربته بالشبشب على وشه
اتهم المطرب الشعبي سعد الصغير، المطربة بوسي بأنه تسببت في حبس طليقها الراحل السابق وليد الفطيم، بجانب الحديث عن تعديها بالضرب على الأخير.
وقال سعد الصغير في تصريحات لبرنامج العرافة مع الإعلامية بسمة وهبة : جابت فطيم وربطته وضربته بالشبشب على وشه، وكلنا شاهدين إنها اللي حبسته، وكان معانا الليثي والسبكي، شريف فشوار، وغيرهم، وكنا قاعدين واعترفت إنها اللي حبسته.
وعن تدخله في أزمة بوسي مع والدها الراحل، أوضح سعد الصغير: قلت لوالدها أنت تسببت في إيذاء بوسي، مكنتش لاقية تاكل وأنت بتروح تسهر والواحد مش عاوز يتكلم، وكنت عاوز أصالحها عليه.
وتابع الصغير: أبوها غلط في حقها، لكن ما كانتش بتبعت له جنيه، ولا كانت بتدي لأخواتها حاجة، واشتريت له بـ250 ألف جنيه تكييف وشاشات وغيرها وذلك من تبرع فاعل خير، لأنه كان يعيش في خرابة، ولو هي تمام وعندها دم تطلع الـ250 ألف جنيه لله، لكن هي أخدت الشقة بالعفش اللي إحنا جايبينه، وهي شقة والدتها، والمفروض تدينا الحاجة اللي جبناها لأبوها.
أعمال سعد الصغير
وقدم سعد الصغير، العديد من الأعمال السينمائية أبرزها شارع الهرم، لخمة راس، ولاد بلد، عش البلبل، ابقي قابلني، البيه الرومانسي، حصل خير، وغيرها من الأفلام، بينما أيضًا قدم العديد من المسلسلات أبرزها دلع البنات، عفاريت محرز، ولاد إمبابة، مبروك جالك قلق، 30 ليلة وليلة وغيرها.
