مرتضى منصور: مشيت من الزمالك بمؤامرة.. والنادي بينهار والجماهير دمها محروق عليه | بث مباشر

قال مرتضى منصور رئيس نادي الزمالك الأسبق، أمام هيئة المحكمة بعد حضوره جلسة الطعن ببطلان انتخابات مجلس إدارة نادي الزمالك: النادي بينهار وفيه هزائم في كل الألعاب وكل الفرق وكل الأعمار سيدات ورجال.

وأضاف مرتضى منصور: أنا أثبت بالدليل إني سايب 37 مليون جنيه في الخزنة بتوع 4 محلات.. وحسين لبيب مالوش دعوة بالحكم في قضية كهربا.. لأن أنا وولادي أمير وأحمد اللي تابعنا الموضوع ده من الجلدة للجلدة.

وتابع مرتضى منصور أمام هيئة المحكمة: أنا مشيت بمؤامرة من نادي الزمالك.. ودلوقتي الزمالك في المركز الـ 14 من ترتيب الدوري الممتاز وخسر جميع البطولات في أي لعبة.. واللي موجودين في النادي دلوقتي مدفعوش مليم من معاهم عشان النادي وخدوا قرض بـ نص مليار.

كما أوضح مرتضى منصور: نادي الزمالك بينهار رياضيًا واجتماعيًا ومن كل ناحية.. ومتفتكروش إن جماهير الزمالك هما اللي كانوا بيحضروا المباريات ولابسين تيشرتات سودا.. لأ جماهير الزمالك بالملايين ومحروق دمهم دلوقتي من الل بيحصل.

واستكمل مرتضى منصور: نادي الزمالك نادي كبير مش صغير وجماهيره عظيمة وأعضاءه محترمين جدًا.. والناس لما بتشوفني في الشارع دلوقتي بتقولي امتى ترجع الزمالك تاني.