كهربا: مستعد ألعب في الأهلي ببلاش.. وبيراميدز عرض عليا 30 مليون في السنة
قال محمود عبد المنعم كهربا في تصريحات تلفزيونية، مضيت 4 سنين في الزمالك في موسم 2016، وبعدها طلعت إعارة سنة أهلي جدة، والزمالك طلب مني التجديد لمدة موسم على بياض، ومضيت على بياض لمدة 4 مواسم من حبي في الناس.
تصريحات محمود كهربا عن فترة لعبه للزمالك
وأضاف: في 2017 ملوا العقد، وفي 2018 وثقوه، ودا عقد 2016، والطبيعي إنه وقتها يقول أحمد مجاهد ومجدي عبد الغني كلمة حق، ولكن ذلك لم يحدث ووثقوه، وكان المفروض يعترفوا ببطلانه ويقفوا جنبي.
وتابع: كنت أقل لاعب ياخد فلوس في نادي الزمالك 2 مليون جنيه، وكنت بساعد الفريق بشكل كبير، ولم أقصر، وكنت بعمل كل حاجة في الملعب، ووقتها كان هناك لاعبين بياخدوا أرقام مالية كبيرة للغاية، ومرتضى منصور أخد فلوس كتير من احترافي في السعودية، ولم أتحدث مع أحد.
كهربا: شيكابالا لغى متابعتي على إنستجرام
وأردف: بعد ذلك عرضوا عليا 12 مليون جنيه، وده رقم قليل وقتها، وطلبت الحصول على 20 مليون، وعقدي كان ينتهي في 30 يونيو، وكان متبقي 4 مباريات في الدوري وكنت واخد قرار إني هحترف، وعملت كل حاجة للزمالك، وكنت أنوي الاحتراف وعدم الانضمام للأهلي، ولكن في الزمالك يعلمون إني أهلاوي وكانوا ينادوني في الزمالك يا أهلاوي، ولكن كنت مخلص للزمالك.
وواصل: شيكابالا تحدث معي قبل نهائي القرن، ووألغى متابعتي على إنستجرام، وهو في حتة وأنا في حتة، وكل لاعبي الزمالك أصدقائي، وأحمد فتوح وصبحي وعمر جابر من أقرب لاعبي الزمالك لكهربا.
كهربا: بيراميدز عرض عليا 30 مليون في السنة
وتابع: الأهلي ليس طرفا في أزمتي مع الزمالك، ولولا إني بلعب في الأهلي مكنتش هكمل في الكورة، وكنت واخد قرار إني هبطل كورة، وفكرت كتير مع نفسي وأهلي والخطيب ساعدوني كتير، ووقفوا معايا كتير وخرجوني من الحالة النفسية وقربت من ربنا جدا، وفكرت بطرق مختلفة.
وواصل: الأهلي بالنسبة لي حاجة كبيرة ومستعد ألعب في الأهلي ببلاش، أنا مجنون بالأحمر، وفيه ناس في بيراميدز تحدثوا معي من أجل الانضمام عند قدومي إلى مصر، وكانوا مستعدين يدفعوا مبلغ كبير، وممدوح عيد رئيس بيراميدز وعمرو بسيوني طلبوا الجلوس معي، وعرضوا عليا فوق الـ 30 مليون جنيه في السنة.
كهربا: أنا مزاجنجي ومدحت شلبي لو حصل ايه عمري ما أطلع معاه
وفي وقت سابق، تحدث محمود كهربا عن أزمته مع الإعلاميين الرياضيين قائلًا: الإعلام بيبنوا برامجهم على اسمي وبيجيبوا ناس مالهاش لازمة عشان يبقوا تريند، وأنا مزاجنجي ومدحت شلبي لو حصل ايه عمري ما أطلع معاه، وبيجيب سيرتي بأي حاجة وحشة عشان رفضت أروحله برنامج من 3 سنين.
وأضاف كهربا في تصريحات تلفزيونية: أي حد بيجيب سيرتي بحاجة وحشة بيبقى فيه موقف بيني وبينه قبلها، لكن مدحت شلبي متربص ليا لحد دلوقتي، وعندي طبع أن مهما حد يقول حاجة في ضهري كأنه مش موجود ومش بشوف الناس دي، ولا الكلام أحب الأفعال بس.
وتابع مهاجم الأهلي: أجلت فرح أختي 4 شهور، لأني كان نفسي أكون معاها وحددت اليوم من غير ما اعرف اننا مسافرين، واستأذنت من المدير الفني، ومفيش مشاكل بيني وبين حد في الجهاز الفني، وعندنا اللاعب لو بيلعب البدلاء بتوعه هما أكبر داعم له، وفرح اختي معملش شرخ بيني وبين مارسيل كولر.
