مي الغيطي: عصام عمر محبوب.. والشغل مع الشباب في مسار إجباري ممتع
كشفت الفنانة مي الغيطي، تفاصيل مشاركتها في مسلسل مسار إجباري، بطولة الفنان أحمد داش وعصام عمر، والذي انتهى عرضه بالتزامن مع انتهاء النصف الأول من شهر رمضان 2024.
وقالت مي الغيطي في لقائها مع القاهرة 24: كانت تجربة حلوة أوي ومبسوطة أني اشتغلت مع الكاست ده، ومن أكتر المشاريع اللي اتبسطت وأنا شغالة عليها، وكانت تجربة حلوة، وحلو أنك تشتغلي مع شباب زيك، البيئة والكواليس حلوة وبتبقوا فاهمين بعض.
وعن تعاونها مع الفنان عصام عمر، خلال أحداث مسلسل مسار إجباري: عصام عمر شخص محبوب جدًا وهو شخص مجتهد وبيفرق معاه الشغل اللي بيعمله وكنا بندعم بعض حتى بعد التصوير، ومبسوطة أن الكيميا اللي بينا عجبت الناس مع أن العلاقة اللي بينا مش تقليدية.
كما أعربت مي الغيطي، عن سعادتها بردود الفعل على شخصيتها في مسار إجباري، قائلة: مكنتش متوقعة الناس هتستقبل شخصية خديجة إزاي، لأن التعليقات اللي عليها مكانتش متوقعة، والناس متفاعلة مع الشخصية وأكيد دي حاجة حلوة.
مسلسل مسار إجباري
مسلسل مسار إجباري مكون من 15 حلقة، ويشارك في بطولته، كلًا من: الفنان أحمد داش، الفنان عصام عمر، صابرين، بسمة، ياسمينا العبد، مي الغيطي، رشدي الشامي وعدد آخر من الفنانين، وسيناريو وحوار أمين جمال، محمد محرز، مينا بباوي ومن إخراج نادين خان.
