بسمة وهبة تستغيث بوزير الصحة لعلاج معد برنامج العرافة: إحنا في المستشفى ومحدش سأل فينا
استغاثت الإعلامية بسمة وهبة، بالدكتور خالد عبد الغفار وزير الصحة، لعلاج الصحفي محمد معوض معد برنامجها العرافة، موضحة أنه أصيب بوعكة صحية وتم نقله إلى مستشفى سعاد كفاكي، ولكنه لم يلقى أي اهتمام.
وقالت بسمة وهبة، في مقطع فيديو عبر حسابها الشخصي بموقع تبادل الصور والفيديوهات انستجرام: وزير الصحة الدكتور خالد عبد الغفار، أنا الإعلامية بسمة وهبة، ومعايا من فريق الإعداد محمد معوض ومراته كلمتني لأن هو تعبان جدًا وقولتلها تجيبه على مستشفى سعاد كفافي، وإحنا بقالنا ساعة ونص من وقت الفطار وإحنا موجودين في الطوارئ ومحدش بيغيثنا والناس قاعدة بتصلي وبتاكل.
وتابعت: محدش بيديله دواء ولا حد نقله في أوضة وقالوا لما تدفعوا والراجل تعبان جدًا، وأنا بحمل المستشفى المسؤولية لو حصله حاجة، علشان متفتكروش أن لينا معاملة خاصة، راجل محترم صحفي وتعبان وعنده عيال ومحدش عنده رحمة ونفسه مش طالع، مع أن دي المستشفيات اللي كنت بشكر فيها، أنا بيستغيث بوزير الصحة.
وأصافت بسمة وهبة، باكية: أنا بحب الناس اللي معايا وبيشتغلوا معايا، معوض ده راجل غلبان وعنده ولاد، أنا زعلانة عليه وعايزة ألحقه مش أكتر.
