رئيس الوزراء: كبرى الشركات العالمية جاية تستثمر في مصر وستوفر مليارات الدولارات وآلاف فرص العمل | بث مباشر

قال الدكتور مصطفى مدبولي، رئيس مجلس الوزراء، إنه خلال عام 2030 ستتجاوز صادرات مصر الـ 145 مليار دولار.

وتابع رئيس الوزراء: إحنا هنا مش بنتكلم عن حلم، إحنا بنتكلم عن خطة وإزاي نقدر نخلي جميع القطاعات تنمو بنسب سنوية علشان نقدر نحقق هذا المستقبل.

وأضاف رئيس الوزراء، خلال تصريحات له على هامش جولة تفقدية لعدد من المصانع فى العاشر من رمضان: نحن لا نتكلم على إنجازات على المدى القصير وإنما على مدى متوسط، وهو الـ 6 سنين الجاية، ازاي الدولة المصرية تحل مشكلتها وأزمتها وتكون قادرة على تأمين احتياجاتها الأساسية من العملة الصعبة بحيث ما تعرضش مرة أخرى للأزمة اللي إحنا كنا موجودين فيها الفترة السابقة.

واستكمل رئيس الوزراء: إحنا كنا موجودين من يومين في مجلس الوزراء ونشهد توقيع عدد آخر من العهود الكبيرة في المنطقة الاقتصادية في قناة السويس، مع كبرى الشركات العالمية اللي جاية تستثمر بمليارات الدولارات في مصر، والتي ستخلق عشرات الألوف من فرص العمل.