يسرا: لما بحس بعدم التقدير بحزن.. وتجربة أن أشيل فيلم كوميدي لوحدي خطر
حلت الفنانة يسرا ضيفة على برنامج Big Time، الذي يقدمه الإعلامي عمرو أديب، وخلال لقائها كشفت عن ما يزعجها الآونة الأخيرة، إلى جانب حديثها عن تجربتها في فيلم ليلة العيد، الذي عرض الفترة الماضية في دور العرض السينمائي.
يسرا: فيلم ليلة العيد موضوع مهم وحلو واتأخر سنتين
وقالت يسرا: لما بتحب حاجة بتعملها بقلب وضمير وجهد غير عادي، فلازم يكون في تقدير، ولما تحس إن التقدير مش موجود بتحزن على مجهودك، وفي مرات أقول مش عايزة أكون موجودة دلوقتي، وبسافر علشان مش حاسة إني مرتاحة.
وأضافت يسرا: فيلم ليلة العيد، موضوع مهم وحلو واتأخر سنتين، حبيت أعمل كوميدي وكانت تجربة إني أشيل كوميدي لوحدي خطر لأني مش ممثلة كوميدي، أنا عايزة اللي حواليا يسندوني، وفرحانة إني عملت التجربة دي لأني حسيت بإنجاز، وروحت في سكة مش بتاعتي ونجحت فيها.
واستكملت يسرا: أنا وعادل إمام عملنا 17 فيلم كوميدي، بس الأفلام كانت ليها مواضيع، مكنش ليا دعوة كان ممكن يحطوني في موقف كوميدي ويكون هو اللي عمل الموقف الكوميدي مش أنا.
فيلم ليلة العيد
تدور أحداث فيلم ليلة العيد في إطار درامي، ويتناول العمل قضايا المرأة، من خلال معاناة عدة سيدات يعشن على جزيرة ما، وتتعرض السيدات لعدة مشاكل وأزمات بسبب عدم تفهم بعض الرجال لحقوقهن.
أبطال فيلم ليلة العيد
فيلم ليلة العيد بطولة، يسرا، يسرا اللوزي، ريهام عبد الغفور، عبير صبري، نجلاء بدر، هنادي مهنا، والعمل من تأليف أحمد عبد الله، وإخراج سامح عبد العزيز.
