الإثنين 22 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أحمد مالك: أنا من عائلة متوسطة.. ووالدي ووالدتي كان بينهما عنف وانفصالهما أثر عليا

أحمد مالك
فن
أحمد مالك
الأربعاء 03/أبريل/2024 - 01:28 ص

كشف الفنان أحمد مالك، تفاصيل انفصال والديه، مؤكدًا أنه عاش فترة من الغضب والرغبة في الهروب من المسؤولية نتيجة هذا الانفصال.

أحمد مالك يكشف معاناته بعد انفصال والديه

وقال أحمد مالك في حواره مع الإعلامي الإماراتي أنس بوخش، في برنامجه AB Talks: أنا من عائلة متوسطة كويسة معيشيا، وكنا عايشين في الدقي، ووالدي وأمي زي أهالي كتير انفصلوا وأنا مراهق، وكان حدث ثقيل حاولت أتعامل معه، وكان عندي غضب لكن مع تقدم العمر فهمت إن أهلي بني آدمين، والحمد لله علاقة دلوقتي كويسة مع والدي، ووالدتي كل حاجة في حياتي، ووجودي مع إخواتي يشعرني بالأمان.

وواصل: هما كانوا في حتة صعبة وكان في شوية عنف وده بيحصل في بيوت كتير جدًا، ده كان تقيل علينا وكنت بحاول أتعامل معاه بس كان عندي غضب ومش فاهم ليه ده حصل، وده حصل في بداية شهرتي وشغلي، وكنت تايه خاصة أنك بتختار شخص واحد بس من الاتنين، وعايز أهرب من كل حاجة والمسؤولية، والقدر في الآخر خلاني مع والدتي وعيشت معاها كتير وهي كل حياتي.

أما عن علاقته بوالدته، فقال أحمد مالك: والدتي ست بيت، ولما بيحصل انفصال تبقى المشكلة في الدخل هيبقى منين ودي مشكلة بتواجه ستات كتير في مجتمعتنا العربية، وفجأة مبقاش معانا حاجة، وكان لسة الفن مبيأكلش عيش، وكان نفسي والدتي تبقى أقوى، ووالدي يسمع أكتر.

تابع مواقعنا