ابنة ضحية حادث دهس بورسعيد: أمي كانت أغلى حاجة في حياتنا واتيتمنا من بعدها| بث مباشر
سيطرت حالة كبيرة من الحزن على أسرة السيدة التي لقيت مصرعها في حادث دهس سيارة طائشة وقع أمام كلية العلوم في نطاق حي الزهور بمحافظة بورسعيد.
حادث دهس سيارة طائشة في بورسعيد
وقالت ابنة الضحية إن والدتها في يوم الحادث كانت في طريقها لمقابلة شقيقها الأكبر، وذلك حتى تعطيه مبلغا من المال لينهي بعض الأوراق الخاصة بعمله.
وتابعت: أمي كانت راحة تدي لأخويا فلوس عشان يخلص ورق وحاجات لشغله.. وفجأة سمعنا إنها ماتت طب هي ذنبها إيه عشان يحصل فيها كده.. إحنا اتيتمنا من بعدها وأخويا الكبير حاسس بالذنب إنها ماتت بسببه ونفسيته متدمرة.
وأضافت ابنة الضحية أن والدتها كانت أغلى شيء في حياتها هي وأشقائها، معلقة: بيتنا اتخرب ومبقاش لينا بيت خلاص.. مكنش لينا غير أمي بس هي راحت وخدت كل حاجة معاها.
وأوضحت أن شقيقها الصغير تسيطر عليه حالة كبيرة من الحزن بعد وفاة والدتها؛ وذلك نظرًا لأنها هي الوحيدة التي كانت ترعاه وتهتم به.
واستكملت: أنا مش عاوزة حاجة غير حق أمي اللي راحت من غير ذنب.. أخويا الصغير اتيتم من بعدها ومن ساعة ما ماتت وحالته مش كويسة وزعلان عليها.
