صاحبة مائدة الإفطار المحترقة أمام مسجد السلطان أبو العلا: الخساير تتعوض وهكمل عشان الغلابة | بث مباشر

نشب حريق في مائدة إفطار وامتد إلى مسجد السلطان بولاق أبو العلا التاريخي، وعلى الفور تم الدفع بعدد من سيارات الإطفاء من أجل السيطرة عليه وإخماده؛ وذلك قبل أن يمتد للمناطق المجاورة ويتسبب في حدوث خسائر مادية أو بشرية في الأرواح.

نشوب حريق في مائدة رحمن

وقالت صاحبة مائدة الإفطار إنها كانت تحرص أن تُقيم تلك المائدة طوال شهر رمضان بجانب مسجد السلطان بولاق أبو العلا التاريخي.

وتابعت: الحمد لله كنت متعودة كل سنة في رمضان أعمل مائدة جنب المسجد.. والدنيا كانت بتمشي معايا كويسة طول شهر رمضان.

وأضافت صاحبة مائدة الإفطار أن الطباخ كان يقوم بتجهيز وجبات الإفطار من أجل توزيعها على الصائمين اليوم، ولكن حدثت مشكلة ما في أنبوبة الغاز مما أدى ذلك إلى انفجارها ونشوب الحريق.

واستكملت: الأنبوبة حصل فيها مشكلة والطباخ بيطبخ فضربت للأسف وضيعت كل حاجة والعدة اللي كنا بنستخدمها.. ولكن الحمد لله إن مافيش حد من الناس حصله حاجة والخسائر كلها مادية.

وأوضحت صاحبة مائدة الإفطار أنها تنظم تلك المائدة خلال شهر رمضان المبارك منذ أكثر من 10 سنوات، معلقة: الحمد لله كل اللي كانوا شغالين معايا محصلش ليهم حاجة وربنا سترها معايا عشان دي حاجة لله.. وكل حاجة باظت مني تتعوض مش مشكلة المهم إن الناس بخير.. وهستمر في المائدة في السنين اللي جاية عشان دي رزق الغلابة.