لاعب إنبي يكشف سر تألقه أمام الأهلي وتسجيله هدفين
تحدث يوسف لبيب لاعب فريق إنبي، على تألقه أمام الأهلي وإحرازه هدفين في تعادل فريقه أمام الأحمر، في الجولة السادسة عشرة، من عمر مسابقة الدوري المصري الممتاز.
تصريحات يوسف لبيب لاعب فريق إنبي
وقال لبيب في تصريحات تلفزيونية: بعتبر أيمن الشريعي رئيس نادي إنبي، بمثابة أب ليا وأول ما بيحس إن فيه حاجة مضايقاني أول واحد بلجأله، هو رئيس النادي وهو بيتعامل مع اللعيبة كلها كأنه أخ كبير، ومش بيقصر معانا في أي حاجة خالص.
وأضاف: كلمت أيمن الشريعي من يومين، وقولتله إني متضايق وهو وقف في ضهري، وقالي إني لسة راجع من إصابة وطالبني بالصبر، والفرصة هتيجي ومبسوط إني قدرت أثبتله كدة في وقت قصير، ومبسوط الحمدلله.
واختتم يوسف لبيب تصريحاته: عشمي في ربنا كبير فبتوقع أي حاجة وربنا كرمه واسع، وظني في ربنا كبير، وأنا كنت ألعب في ناشئين إنبي من وأنا 6 سنين، وكنا متمرنين على هذه الكرات دي وكل سيناريو ماتش سيد ياسين بيقعد معانا وبيحفظهولنا، وده بيساعدنا في كل ماتش وده شغل جهاز فني وشغل كويس يشكر عليه، والحمدلله بننفذ المطلوب.
