بعد خروجه من المستشفى.. أحمد رفعت يوجه رسالة للجماهير: عديت المرحلة الصعبة بفضل دعواتكم | فيديو
غادر أحمد رفعت لاعب فريق مودرن فيوتشر، المستشفى بعد استقرار حالته الصحية إثر تعرضه إلى وعكة صحية أدت إلى تدهور حالته بشكل كبير خلال الفترة الماضية.
أحمد رفعت يغادر المستشفى بعد استقرار حالته الصحية
وحرص أحمد رفعت على طمأنة الجماهير المصرية على حالته الصحية، وذلك عبر مقطع فيديو نشرته الصفحة الرسمية لـ نادي مودرن فيوتشر على موقع التواصل الاجتماعي فيس بوك.
وقال أحمد رفعت: كل سنة وإنتوا طيبين بمناسبة عيد الفطر المبارك.. حبيت أشكركم على دعواتكم ليا طول الفترة اللي فاتت.. وبفضل دعواتكم الحمد لله ربنا عداني من اللي كنت فيه.
وأضاف: حابب أشكر الدكاترة في مستشفى زمزم ومستشفى وادي النيل على المجهود غير العادي اللي عملوه.. والحمد لله بفضل دعواتكم وربنا ومساعدة الدكاترة قدرت أوصل للمرحلة اللي أنا فيها دلوقتي وعديت المرحلة الصعبة.. والأمور استقرت بشكل كبير.
واستكمل أحمد رفعت: بشكر الناس اللي كانت بتزورني وبتطمن عليا ومعنديش حاجة أعملها غير إني أشكرهم من قلبي على كل الدعم اللي وصلني الفترة اللي فاتت.. ويارب الناس كلها تبقى بخير وبصحة وسعادة.. حبيت أطمنكم الحمد لله الأمور كويسة.
