مدير أعمال شيرين سيف النصر يكشف أمنية لم تتحقق للراحلة: كانت عايزه تشارك في عمل مع محمد سامي
كشف خالد محيي الدين، مدير أعمال شيرين سيف النصر، أمنية لم تتحقق للراحلة قبل وفاتها، مشيرًا إلى أنها كانت تريد المشاركة في عمل مع المخرج محمد سامي.
وقال خالد محيي الدين خلال لقائه مع برنامج et بالعربي: شيرين سيف النصر كانت بتحب تتفرج على أعمال المخرج محمد سامي، وكانت عايزه ترجع للساحة بعمل معاه، أو تشارك في عمل شبيه لأعماله.
سبب وفاة شيرين سيف النصر
ومرت شيرين سيف النصر في اللحظات الأخيرة من حياتها بأزمة صحية مفاجئة، ورحلت بعد حدوث مضاعفات في صحتها، نتيجة مرورها بهبوط حاد في الدورة الدموية، لتفيض روحها إلى بارئها، تاركة خلفها حزنًا كبيرًا في قلوب جمهورها.
وصية شيرين سيف النصر
وفي وقت سابق، تحدث مدير أعمال الراحلة شيرين سيف النصر خلال حواره مع القاهرة 24 قائلًا: الوصية كانت إنها قالت مش عايزه حد يصور جنازتها، إنما العزاء متكلمناش فيه والتزمنا بوصيتها، الناس عمالة تطلع حاجات إن مفيش عزاء بس المعلومات اللي تداولت غلط، وصيتها على الدفن مش العزاء.
وأضاف: كلنا مصدومين، والصدمة كانت كبيرة عندنا كلنا، وكنا قاعدين عادي ومفيش أي حاجة وبنتفرج على التلفزيون، حسيت بشوية صداع وقالتلي أنا مصدعة وحاسة أني مهبطة، طلبنا الإسعاف ولغاية لما جه كانت خلاص، ومكنتش بتشتكي من أي أمراض أو أي حاجة، وتوفيت قبل وصول الإسعاف، ووفاتها هبوط حاد في الدورة الدموية.
