والد “الحايس”: “ابنى كان بيشتم الإرهابيين وبيقولهم لو أنت راجل اضرب”

كشف الدكتور علاء الحايس والد النقيب محمد الحايس، عن كواليس اختطاف نجله من قبل إرهابيين بالواحات، قائلا:” ابنى تعامل مع 14 إرهابي لوحده، وعملوا معاه كل حاجة وهو كان بطل، وشتمهم وعمل فيهم كل حاجة، وكان يقولهم لو أنت راجل اضربنى بالنار، انت مكتفنى ومغمينى وعاوزنى أتكلم، فك إيدى وعينى وأنا أعرف أتعامل معاك“.

وأضاف “الحايس”، خلال مداخلة لبرنامج “الحياة اليوم”، الذى يقدمه الإعلامى تامر أمين، إلى أن نجله لم يتناول الطعام منذ عدة أيام، وهو ما أثر على حالته الصحية، قائلا:”ربنا كبير وبلدنا كبيرة وإن شاء الله الارهابيون مش هيقدروا علينا، واحنا شعب محترم، ايه دول عشان يقدروا يتغلبوا علينا، طول ما ورانا جيش وشرطة محترمين نام وانت مطمن“.

 وأشار الحايس، أن نجله لم يتحدث مع الرئيس عبد الفتاح السيسى، لأن محمد لم يفق بعد إجراء العملية، مؤكداً أن نجله بطل.