“كايا” يصدم معجيبه: “أنا مش مستعد للحب بعد سارة” (فيديو)
أحدثت قصة حب “سارة وكايا” جدل بين المتابعين على السوشيال ميديا، بعد انتشار فيديوهات للثنائي يعبر كل منهما عن حبه للآخر بطريقة وصفت بـ”الغريبة”.
وتداول مستخدمي التواصل الاجتماعي اليوم فيديو جديد نشره ” كايا” يوجه خلاله رسالة أخيرة لحبيته “سارة” على خلفية تخليها عنه والارتباط بشخص آخر صنايعي ألومنتال، كما ذكر في الفيديو قبل الأخير.
وقال كايا: “أنا جيبت تيشرت جديد أبيض عشان ابتدي بيه صفحة جديدة في حياتي، وعملت التيشرت الي كانت جيباهولي سارة فوطة مطبخ”.
ووجه كايا سؤال لسارة قائلا: “كنتي بتقوليلي قلبي والله بتقوليها لحبيبك دلوقتي؟ انتي ازاي عندك قلبين؟، مضيفاً انتي قلبك اتنين في واحد زي الشامبو ولا زي والنسكافية 3 في واحد برضو”.
وتابع: “نسيتي كل حاجة ورحتي لبتاع الألومنتال، يارب كل الألومنتال يخلص من السوق، وابقي روحي ساعتها لواحد بتاع خشب”.
وأنهى الفيديو: “بالنسبة للبنات المعجببن بيا أنا مش مهيأ نفسيا للحب دلوقتي، ودي آخر مرة هجيب في سيرتك ياسارة” مردداً أغنية “انت اخترت” للمطرب تامر عاشور.
كان “كايا” قد نشر مقطع فيديو أمس، يعلن رفض والد سارة له، قائلا: ”مساء الخير ياجماعة مكنتش عايز أتكلم وأنا في الحالة دي، أنا بقالي 3 سنين مرتبط أنا وسارة وسابتني النهاردة، عشان الفلوس عشان متقدملها صنايعي ألومنتال”.
وأضاف: “أنا مش عارف ازاي ضغطوا عليها وهتوافق، بس أنا مش هنساها والله العظيم بحبك ياسارة، أنسى إيه ولا إيه، والله العظيم ماهسيبك، عشان محدش هيشوفك غيري، ياريت تردي عليا لما اتصل بيكي، ومش هلبس التيشرت دا وانتي عارفة بالنسبالي إيه غير لما تردي عليا”.
وانتشرت فيديوهات قصة حب “سارة وكايا.. قلبي يارب”، بطريقة أثارت عاصفة من السخرية على الفتاة وصديقها، بعد نشر الفتاة أول فيديو لها تسبب في إحداث كل ذلك الجدل.
وقالت الفتاة في الفيديو: “أنا مرتبطة بكايا يا جدعان.. مورنينج عليك يا قلبي”.
وأثار الفيديو سخرية الكثير من مستخدمي السوشيال ميديا، بسبب صغر سن الفتاة التي لم تتجاوز الـ20 عام وتعيش قصة حب مشتعلة إلى هذا الحد، بالإضافة إلى غرابة اسم حبيبها الذي صرحت عنه في الفيديو “كايا”.
وتحولت كلمات الفتاة في الفيديو المنشور: “أنا مرتبطة بكايا يا جدعان.. مورنينج عليك يا قلبي” إلى تريند ساخر على مواقع التواصل الاجتماعي، حيث تبادلها المستخدمين فيما بينهم على طريقة كوميكس مضحكة.
