لاعب منتخب مصر يُهين هاني رمزي: “عايز قلم على وشه عشان يبطل سهوكة النسوان” (صورة)
شن اللاعب أحمد مجدي بوجي، لاعب منتخب الشباب السابق، هجومًا عنيفًا على هاني رمزي المدرب العام السابق، للمنتخب الوطني، بعد تصريحاته على أداء لاعبي المنتخب وخروجهم من بطولة الأمم الإفريقية وعن اللاعب أحمد المحمدي.
وقال بوجي، عبر حسابه على موقع التواصل الاجتماعي “فيس بوك”: “بعد ما سمعت كلام هاني رمزي امبارح افتكرت اللقطه دي وقولت لنفسي كان لازم الرجاله تسيبني اروح اديلووو علي وشه وقفاه لانه مش راجل ودائما بيتهرب من المسؤليه ويرميها علي اي حد مع العلم انه بيكون هو العنصر الاساسي للفشل بالورقه والقلم والشهود”.
وأضاف اللاعب: “امبارح قال انه كان عاوز يجمع اللاعبين في اوضته ويتكلم معاهم ويشدهم علشان يركزوا بس كان خايف ان اجيري يعرف ويزعل لان ده مش من حقه !!”.
وأكد بوجي : انا احب اقلكم اقسم بالله اقسم بالله هاني رمزي كان بيجمعنا ليلة الماتش ال 10 لاعبين اللي هيبداوو الماتش والكام تغير المتوقع ويفضل يفتكس ويغير من اسلوب لعب الخواجه ويقول كلام غير اللي اتدربنا عليه وغير اللي قاله المدير الفني ومن هنا ظهر سوء الاداء في كاس العالم”.
وتابع بوجي: “وامبارح يقولك اصل انا مقدرش اتعدي المدير الفني وعمال يلبس الفشل للاعبين وللمحمدي واللاعببن الكبار والله عيب عليك يا هاني يا رمزي اللي انت بتعمله ده واحسنلك اسكت علشان اللاعبين الكبار لو اتكلموا انت مش هتلاقي اكاديميه تمسكها وبطل شغل السهوكه بتاع النسوان وكفايه مكالمات مع مقدمين البرامج المهمه وعمال تنيم فيهم علشان تتنصل من المسؤلية”.
هاني رمزي يكشف سبب خروج مصر من بطولة كأس الأمم الإفريقية
وفى وقت سابق، كشف هاني رمزي مدرب المنتخب الوطنى المقال، سبب هزيمة مصر من جنوب إفريقيا وخروجها مبكراً بشكل صادم من بطولة أمم إفريقيا، راجعاً ذلك لحالة من التسيب واللامبالاة وانعدام الروح للاعبي المتخب.
وفسر رمزى فى جلسة خاصة مع عدد من الصحفيين، عدد من المواقف ودافع عن موقفه فى ضم لاعبين جدد للمنتخب.
قال رمزي: “الأمور كانت تسير في المنتخب أثناء فترة تدريبه للمنتخب بشكل جيد، متابعًا: “كننا ماشين كويس جدا”.
