خلوني بطلة أحلامهم.. أول تعليق من منة شلبي بعد حصولها على جائزة فاتن حمامة (صورة)
علقت النجمة منة شلبي على تكريمها مساء أمس الأربعاء، بحفل افتتاح مهرجان القاهرة السينمائي بدورته الـ41، وحصولها على جائزة فاتن حمامة التقديرية.
ونشرت منة منذ قليل، صورة لها أثناء التكريم، وعلقت عليها قائلة: “شكرًا مهرجان القاهرة السينمائي على التكريم العظيم والجائزة المهمة جدًا جدًا في مشواري”.
وتابعت:”هفضل على طول أقول إني فخورة بانتمائي لصناعة السينما اللي بتعلمنا نحس ونحب ونضحك ويبقى عندنا مشاعر.. شكرًا لكل المخرجين اللي اشتغلت معاهم وصدقوا فيّا وخلوني بطلة لأحلامهم”.
وأضافت: “شكرًا لإدارة المهرجان تاني على اختياركم لهند إنها تقدملي الجايزة.. اتنين اتنين أصحاب أصحاب بجد، شكرًا لزمايلي وأصحابي الحلوين على فرحتهم بيا ووقوفهم جنبي.. حب كتير لكل حد باركلي وآسفة إني مش لاحقة أرد عليكم كلكم.. بحبكم واحد واحد وواحدة واحدة”. ⠀
كما أكدت على إهدائها الجائزة لوالدتها النجمة المعتزلة زيزي مصطفى، فقالت: “وأخيرًا وليس آخرًا بهدي الجايزة دي لأمي اللي أنا بنجح بيها وعشانها وليها”. ⠀ ⠀
View this post on Instagram
A post shared by Menna Shalaby (@mennagram) on Nov 21, 2019 at 10:05am PST