“بنشوف تعليقاتكم وبتجرحنا”.. سلمى أبو ضيف توجه رسالة لمنتقديها (فيديو)
خرجت الفنانة الشابة سلمى أبو ضيف، عن صمتها، لترد على الجمهور الذي ينتقدها بمواقع التواصل الاجتماعي المختلفة، وذلك من خلال بث مباشر ظهرت فيه على حسابها الشخصي بـ”انستجرام”.
وبدأت أبو ضيف حديثها قائلة:”أنا بقالي فترة عايزة أطلع وأتكلم وأقول اللي نفسي فيه، بس صحابي المقربين بيقولوا لأ، بس في حاجة لفتت نظري النهارده بالذات، إن في ناس بتعمل كومنتات سلبية، من أجل أن هي تجذب الانتباه عليها، أنت ممكن تجذب الانتباه عليك بطريقة ألطف من كدا”.
وأضافت: “من غير ما يبقى دمك تقيل وقليل الذوق، أو تطول لسانك أن تستظرف أو حاجات كتيرة جدًا، أو تدخلوا في جدال بين بعضيكم، الموضوع بيتطور فجأة، مش عارفة أقول اللي نفسي أقوله إزاي”.
وتابعت: “إحنا بنشوف الكومنتات وفي كلام قليل الذوق جدًا وبيجرح وممكن تقعد تفكر فيه، الناس بتبقى فاكرة أن عندها الحق تدخل في حياتك وتقول رأيها بكل صراحة ووقاحة ساعات، لأ مش من حقك تعمل كدا، فلو أنا بنشر حاجة إيجابية، ولو هتنتقدني أنتقد بأسلوب محترم”
واستكملت: “ودا من غير ماتقل أدبك على حد أو تقل منه، الكلام على فكرة بيضايق، كلام كتير جدًا، فلو لاقيت حد بيهاجم بطريقة قليلة الذوق، ولو أنتم جايين تأذوني فبلاش أحسن، أنا قررت أتكلم عنه، وهلاقي ناس كتير هتتكلم بعد الفيديو دا، اللي هيتكلموا على طريقي لبسي وشغلي وطريقة كلامها”.
واختتمت: “ياريت نبقى لطاف مع بعضينا، وأكيد أنا اتحطيت في مواقف أني أكون أذيت البني آدمين، ولكن مش على السوشيال ميديا، فياريت الفيديو يوصل للناس اللي بتحب تتكلم كل شوية، وياريت كل حد يحاول ينشر طاقة إيجابية لأنها بتفرق في يومنا”.
View this post on Instagram
وكان آخر ظهور لسلمى أبو ضيف، مساء أمس الأربعاء، بحفل افتتاح مهرجان القاهرة السينمائي في نسخته الـ41، والتي حملت اسم مديرها الراحل يوسف شريف رزق الله، وبرئاسة المنتج محمد حفظي.
