الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ريهام سعيد عن زينة: “مرمطتني 3 سنين في المحاكم وقالتلي أنتي مش ندمانة؟” (فيديو)

القاهرة 24
فن
الأحد 05/أبريل/2020 - 03:51 م

كشفت الإعلامية ريهام سعيد، تفاصيل علاقتها بالفنانة زينة، وذلك من خلال بث مباشر ظهرت فيه على حسابها الشخصي بموقع تبادل الصور والفيديوهات”انستجرام”.

وقالت سعيد، إن زينة لم تكن صديقتها كما أشيع، ولكنها فوجئت بعد تقديمها إحدى الحلقات في برنامجها، برفع الفنانة عليها دعوى قضائية، على الرغم أنها لم توجه لها أي حديث”.

وتابعت: “مرمطتني لمدة 3سنين في المحاكم وكنت حامل وقتها واتصلت قولتلها أنا مش قادرة أروح محاكم خالص، طلبت مني أعتذرلها في فيديو عملت كدا قالتلي ، لا مش هينفع كنتي بتضحكي فيه، وبعدين عملت واحد مكشرة فيه راحت قالتلي بسخرية أنتي مش ندمانة”.

وأضافت: “أنا مقبلتش على نفسي الإهانة دي، وقررت أكمل عادي في الموضوع، لحد ما طلعت براءة من القضية، بعدما أثبتوا أني متكلمتش ولا أسأت لحد”.

ريهام سعيد عن ريم البارودي: “كانت مسمياني أوبرا وينفري العرب.. وأنا في بيتي عشان العبادة”

وفي وقت سابق، تحدثت ريهام سعيد، عن الخلافات التي نشبت بينها وبين صديقتها السابقة الفنانة ريم البارودي، مما جعلهما حديث مواقع التواصل الاجتماعي.

وقالت ريهام عن ريم البارودي: “هي مش وحشه هتقولولي بعد الشتيمة دي كلها، هقولكم والله اعدم ولادي معرفش اتشمت ليه، بس هي غلاطة وميسرة وميرنا المهندس ميتة زعلانه منها، ومقدرش أرفع على حد قضية أكلت معاه عيش وملح تربيتي كدا وأخلاقي كدا وعمري ما هتنازل عن طريقتي”.

وتابعت: “أنا أسمي ريهام سعيد وأنا بقالي17 سنة وعملت حاجات كتير ومعروفة، حتى هي كانت مسمياني أوبرا وينفري العرب وكل الناس تعرف دا مبضايقش عشان مسرحية ولا فيلم ولاحاجة، ومافيش بيني وبين قناة النهار أي ضغينة وكلهم سألوا عليا لما كنت عيانة”.

 وأضافت: “الكلام دا مش وقته إحنا مش عارفين هنعيش ولا هنموت وإحنا محظوظين بحكومتنا في الوقت دا، النجاح مش بيجي كدا بيجي بالاجتهاد، والناس بتقول خلافكم عشان البرنامج إحنا متخانقين من سنة و3 شهور وكل الحكاية إنها بعدت تماما ومكنتش جمبي في حوار السمنة، ولاقيتها مرة واحدة منزله صورة مع زينة وكاتبه انها صحبتي واللي مش عاجبه يشرب من البحر”.

وقالت: “وزعلت أني عملت لايك لأحمد سعد ماهو عادي مانتي عندك صحابك زينة وغيرهم، وبتعايري في بوست بتقول اللي قاعدة في البيت من غير شغل، انا قاعدة عشان جوزي عايز يديني وقت اكتر في العبادة وأني اقعد مع عيالي وأنا  اشتغلت كتير اووي 17 سنة فمش محتاجة”.

هل تسببت زينة في اشتعال الأزمة بين ريم البارودي وريهام سعيد؟ (القصة الكاملة)

 

View this post on Instagram

 

فوضت امري إليك يا رب

A post shared by Reham Saeed (@rehamsaidofficial) on Apr 4, 2020 at 4:18pm PDT

تابع مواقعنا