شيرين عبد الوهاب: “متعة الصلاة أحلى من أي سهرة ومش خايفة من التعليقات”
يبدو أن النجمة شيرين عبد الوهاب، لم تستطع مرور أيام قليلة على عودتها إلى السوشيال ميديا، لتثير الجدل مرة أخرى بين محبيها، حيث كشفت عن مواظبتها على أداء الصلوات في فترة العزل الصحي المنزلي، ضمن الإجراءات الاحترازية لمنع تفشي فيروس كورونا، مؤكدة أنها تشكر الظروف التي أجبرتها على البقاء داخل منزلها في الفترة الماضية لأنها صارت أقرب من ابنتيها وعائلتها.
وقالت شيرين عبد الوهاب، في عدد من التغريدات عبر حسابها بموقع “تويتر”: “أنا بشكر الظروف اللي إحنا فيها بالرغم من قسوتها عشان نقعد في البيت ونقرب من أهالينا ونشوف ولادنا، أنا مابحبش أتكلم عن صلاتي عشان دي حاجة بيني وبين ربنا بس أنا حاسة إن الناس اتغيرت، الحاجة الحلوة اللي فيهم ابتدت تطلع وأولهم أنا”.
تعدى عليه وكسر أنفه.. حسام حبيب يقاضي مدير أعمال زوجته شيرين عبد الوهاب (مستندات)
وتابعت: “ساعات لما كنت بصلي كنت بحس إني بعمل الواجب أو أسرح في الصلاة أنا هعمل غداء إيه النهارده، بس الواحد لما بيقف قدام ربنا ويركز في الكلام اللي بنقوله زي ما بنقول في الفاتحة “الرحمن الرحيم” هو فعلا رحمن وحنين وأحلى حاجة في الدنيا”.
أضافت: “زمان كنت بقول الآيات وأنا مش بركز فيها دلوقتي وأنا بركز في الآيات لآخرها بحس إن ربنا بيشفني وبيداوي كل حاجة حاسة بيها، أنا بقول ده ومش خايفة من التعليقات اللي هتيجي”.
واختتمت تغريداتها قائلة: “أنا نفسي كله يحس الإحساس اللي كنت حاساه وأنا بصلي صلاة المغرب والسنة، متعة تانية أحلى من أي سفرية أو أي سهرة، ربنا يثبتنا ويعدينا من اللي إحنا فيه ويارب ما نتغيرش ونفتكر اللي إحنا فيه دلوقتي ده”.
في ظل أزمة كورونا.. شيرين عبد الوهاب تطرح أغنية “مش قد الهوى” (فيديو)
وفي وقت سابق، طرحت الفنانة شيرين عبد الوهاب، أغنية “مش قد الهوى”، عبر قناتها الرسمية على موقع الفيديوهات الشهير “يوتيوب”، وذلك في ظل الظروف الراهنة التي تمر بها البلاد وانتشار فيروس كورونا المستجد.
“مش قد الهوى” أغنية من ألحان محمد رحيم، وكلمات محمد الغنيمي، وتوزيع أحمد إبراهيم، وإنتاج شركة “روتانا” للصوتيات.
