عايدة رياض لـ شيخ الحارة والجريئة: المخرج محمد خان مسح بكرامتي الأرض

ذكرت الفنانة عايدة رياض موقفا جمعها بالمخرج الكبير محمد خان، أثناء تصوير فيلم “أحلام هند وكاميليا”، حينما جاءت متأخرة،. وقالت: “في يوم من أيام تصوير الفيلم، جيت متأخر ساعة، وكان بقالي شهر عمري ما اتأخرت، ويومها جيت متأخر، فالمخرج محمد خان مسح بيا الأرض، ساعتها دخلت على نجلاء فتحي وكانت بتعمل المكياج، ولقيتني بعيط راحت قالتلي بتعيطي ليه يا عبيطة، ده بيحبك ويناغشك، ووقتها اعتذرلي وقالي متزعليش وحضني وباسني”.

عايدة رياض: “زواجي من أحمد بدير شائعة.. وأنا بحب الراجل الشقي”

وتحدثت عن حياتها خلال استضافته ببرنامج شيخ الحارة والجريئة مع إيناس الدغيدي على قناة القاهرة والناس، وقالت: “انا اتعودت على الوحدة والشغل، ولكن اخويا عايش معايا وبنته مايا مالية حياتي”.

وأضافت: “دموعي من كتير ما بكيت نشفت، ولما ببكي بيبقى من قلبي، وعندي حزن في حاجات كتير، وحياتي بشوف فيها الحزن أكتر، وكان نفسي أخلف ومحصلش من عند ربنا، وبنت أخويا عوضتني عن كل حاجة”.

وعبرت عن حزنها على هيثم أحمد زكي وقالت عن حياته: “قصة حياته كلها عذاب، والموتة بتاعته صعبة، والوحدة وحشة”.

عايدة رياض: “أنا اتعقدت من الجواز.. ومحمد رمضان معندوش تاريخ”