محمد سامي يستهجن هجوم جمهور تامر حسني عليه: “أنا دائمًا بشكر فيه” (صورة)
رد المخرج محمد سامي، على جمهور الفنان تامر حسني الذي سبه عبر مواقع التواصل الاجتماعي المختلفة، بسبب تعليق كتبه في حق الهضبة عمرو دياب، حيث أن البعض اعتقد أن سامي يقصد توجيه إهانة لتامر حسني، ولكنه أوضح من خلال التعليق أنه لم يقصد هذا، كما استهجن سب اللجان الإلكترونية له في ظل نجاح مسلسله البرنس.
وكتب سامي عبر حسابه الرسمي بـ”فيس بوك”: “أنا معرفش ليه جمهور تامر حسني زعلان مني، وقاعدين يشتموني علي كومنت كتبته علي عمرو دياب، وبيفكروني بأفضال تامر وأن هو اللي قدمني واللجان شغالة، وأنا عارف مين اللي بيكتب، مع أني أنا مش محتاج تفكرني قصدي تفكروني”.
وأضاف: “أنا دايمًا بشكر في تامر، وتامر خطوة مهمة جدًا في حياتي وقصر لي السكه كتير، وضافلي ووشه كان خير عليا، وبقول ده طول الوقت في البرامج ولكن مش معنى إني أشكر في قيمه وقامه زي عمرو دياب إنك قصدي انكم تشتمني قصدي تشتموني”.
وتابع: “حتى لو سألتو تامر نفسو هيقولكوا عيب، عشان دي مش أخلاق تامر، أنا أكتر واحد عارفه وعارف أخلاقه، وكمان مش هينفع تكتبو اللي بتكتبوه، بتاع معملتش حاجه إلا أدم والكلام ده لأني ده ينفع مع حد صغير عنده عمل ولا اتنين ولا تلاته، وتامر نفسه في مداخلات في برامج قال غير كده خالص”
واختتم: “رأي الفنان مش حكر على حد ولا رد الجميل هو التقليل من القامات الكبيره زي عمرو دياب، وياريت تعرف قصدي تعرفو أني شتيمة لجان إلكترونيه ليا في التوقيت ده بالذات في وسط وهج عمل يشغل الوطن العربي بأهمية البرنس، لن يضيف لكم بالعكس ممكن يزعل الناس من جمهور نجم محبوب بقيمة النجم تامر حسني”.
“السينمائيين” تبدأ التحقيق في واقعة سرقة قصة مسلسل “البرنس”.. وتغيب محمد سامي
مسلسل البرنس الحلقة 20.. ابنة محمد رمضان تنضم لأسرة السائق
