مش محتاج منهم حاجة.. عمرو وهبة يدافع عن أحمد فهمي وأكرم حسني بسبب رجالة البيت
انتقادات كثيرة خلال الفترة الأخيرة، تعرض لها أبطال مسلسل “رجالة البيت” للفنان أحمد فهمي، والفنان أكرم حسني، والفنان بيومي فؤاد، بسبب عدم حصول المسلسل على مشاهدات وإشادات كبيرة من قبل الجمهور.
ودافع الفنان عمرو وهبة عن أبطال العمل الذين بذلوا ما في وسعهم من أجل إعجاب ونال رضا الجمهور، وذلك عبر حسابه الشخصي بموقع تبادل الصور والفيديوهات “انستجرام” قائلاً: “من حق الناس تعترض وتتريق وتسف وأنا بدأت أصلاً بفيديوهات تريقه على أعمال وممثلين والله مش ببرر لحد”.
وتابع: “الحمد لله مش محتاج من حد فيهم حاجه ومحدش طلب منى أدافع وظروف التصوير وضيق الوقت وكورنا مش مبررر كاف أن عمل يطلع وحش، بدليل أن فى أعمال تانيه طلعت كويسه، بس الأكيد أن مفيش حد بيبقى عايز يفشل ومفيش حد مش بيتعب”.
وأضاف وهبة: “أحمد فهمي عنده أعمال كتير ناجحة، وأكرم حسني عنده أعمال كتير ناجحه، وأيمن وتار عنده أعمال كتير ناجحه، وأستاذ أحمد الجندي أهم مخرج كوميدي في مصر فى آخر كام سنة ..فا لو عمل متوفقش ده لا ينفي الموهبة، بدليل أن بيومي فؤاد اتهاجم في المسلسل ده والناس إشادات بيه فى مسلسل خيانه عهد”.
واختتم: “لو في عمل معجبش معظم الناس وأنا طبعاً منهم بصراحه ده وأرد وبيحصل وحصل لناس ورجعو تانى ولو محصلش لناس فا أكيد هيحصلهم في يوم.. عدم التوفيق جزء من الشغلانة، وخصوصاً في حتة الكوميدى اللى هي أصعب حتة خصوصاً مع شعب دمه خفيف ومش بيضحك بسهوله، وسوشيال ميديا مخليه سقف الضحك يعلى كل يوم.. حق الناس تزعل وحق اللى متوفقش أنه يأخد فرصه تاني طالما ده مش العادي بتاعه”.
عمرو وهبة عن التمثيل مع الزعيم وسمير غانم: “أنا دلوقتي واقف قدامهم وبيكلموني”
كما يعرض مسلسل” رجالة البيت” عبر شاشة قنوات مختلفة أبرزهم قناة” ON”, “سي بي سي”،”دي إم سي”، ويشارك في العمل كوكبة من الفنانين منهم الفنان أحمد فهمي، وبيومي فؤاد، ويزو، لطفي لبيب، عارفة عبد الرسول وآخرون، تأليف أيمن وتار، إخراج أحمد الجندي.
