مخرج “فرصة تانية” يحتفل بعرض الحلقة الأخيرة: أوعدكم القادم أفضل (تدوينة)
حرص مرقس عادل، مخرج مسلسل فرصة تانية للنجمة ياسمين صبري، على تهنئة الجميع بمناسبة عيد الفطر التي قارب على الحلول، كما اعتذر للجمهور على الإخفاقات التي احتوى عليها العمل، ووجه شُكر لكل من هو قائم على هذا العمل.
ونشر عادل منشور عبر حسابه الرسمي بموقع التواصل الاجتماعي “فيس بوك”، وكتب فيه: “كل سنة و أنتم طيبين وعيد سعيد عليكم جميعًا، حابب أشكر كل واحد من فريق العمل علي الي عمله، وحابب اشكر كل الناس اللي تابعت وكانت مستمتعة وبتبعتلنا يوميا حلقة بحلقة، وطبعًا بشكر الناس اللي تابعت كل الحلقات و هي بتنتقد”.
وأضاف: “اللي عجبه المسلسل علي راسي وسعيد جدا بده، واللي معجبوش و هو اللي مصدق ده مش ماشي ورا كام بوست وكلام بعض الناس اللي بتشتم من أجل الشتيمة، أوعدك العمل اللي جي يعجبك أكتر”.
وتابع: “واللي حس أن العمل مش شبهه عشان مسلسل لايت اجتماعي، دي الفكرة من تنوع المسلسلات وبرضو يا عزيزي اللي جي هيكون شبهك باذن الله.. شكرًا علي المشاهدة والمتابعة للحلقة الـ30، شكرًا علي الرسايل و الإشادات من المتابعين المستمتعين و بعض النقاد المحترمينن شكرًا لكل واحد رفع سماعة التليفون من النقاد أو الصناع و باركلي و أشاد أو حتى وصلي رسالة”.
واستكمل: “أكيد كان في أخطاء و إخفاقات في بعض الحاجات، زي أي عمل وأكيد برضو أنا شفتها و اتعلمت منها كتيرو الكلام ده كله ملوش دعوه بالهجوم الممنهج، لأن طبعًا لما تلاقي نفس الكلام علي المؤلف أو البطل في كل الحلقات بنفس الطريقة مكتوب عند عدد كبير من ناس ده معناه أنه مترتب، وبالتالي الجمهور العادي يشوف الكلام نفسه من كذا مكان فيتأثر وبالتالي يأخذ فكرة من غير ما يكون تابع أو حتي تابع عن طريق جزء من فيديو على الفيس بوك، وبالتالي البوستس دي هي اللي هتوجهوا”.
واختتم مرقس المنشور بالاحتفال بانتههاء المسلسل، وتوجيه الشكر لكل من اشترك في هذا العمل، فقال: “أخيرًا شكرًا من كل قلبي لصناع فرصة تانية”.
مسلسل فرصة تانية الحلقة 27.. أحمد مجدي لم يصدق زواجه من ياسمين صبري ودياب متهم في خطف ابنته
مسلسل فرصة تانية الحلقة 25.. منع زياد ملك من الارتباط.. ودياب يرفض طلاق هبة مجدي
