حمو بيكا خائف من القبض عليه بسبب نزوله البحر متحديًا قرارات الحكومة: “هنتاخدو كلنا” (فيديو)
تداول مستخدمو مواقع التواصل الاجتماعي، فيديو لمطرب المهرجانات الشهير حمو بيكا، أثناء نزوله أحد الشواطئ، خلال إجازته الصيفية، على الرغم من قرارات الحكومة المصرية بمنع تواجد المواطنين على الشواطئ، ضمن الإجراءات الاحترازية للحد من انتشار فيروس كورونا.
وظهر بيكا مع أحد الأشخاص في الفيديو وهما على البحر، وقال الشخص الأول الذي احتضن المطرب: “حمو بيكا اهه وده نمبر وان وأقسم بالله، أنا وهو في البحر”، ليرد عليه بيكا بطريقة كوميدية خائفًا من القبض عليه بسبب الظهور: “ده الصيف بتاع السنة اللي فاتت مش السنة دي علشان لما تشيره كلنا هنتاخدو”.
أكرم حسني يقدم شكوى لنقابة المهن الموسيقية ضد حمو بيكا: “سرق اللحن” (صورة)
وفي وقت سابق، اتهم الفنان أكرم حسني، حمو بيكا بسرقة لحن أغنيته الدعائية لمسلسل “رجالة البيت” والذي عرض في رمضان 2020، كما قرر التقدم بشكوى لنقابة المهن الموسيقية حتى يحصل على حقه في هذا الأمر.
وكتب أكرم على حسابه الشخصي بموقع “فيس بوك”: “الحقيقة دي مش أول مرة أتعرض فيها لسرقة شغلي، بس الموضوع وصل لحد مايتسكتش عليه.. أنا مش ضد أي شكل من الأشكال الفنية طالما بتتقدم في إطار من الاحترام للمهنة وللمجتمع”.
واستكمل: “لكن أنا ضد كل أشكال التعدي على حقوق الملكية الفكرية وسرقة مجهود وتعب ناس قعدت كتير أوي تشتغل عملت أغنية دعائية لمسلسلي الأخير في رمضان اللي فات اسمها بالباقي لبان من كلماتي ولحن بلال سرور وتوزيع كينج واتفاجأت من يومين أن تم سرقة لحن الأغنية واتعمل عليها مهرجانين واحد اسمه هلا والله وواحد اسمه خد فطيرك”.
واختتم: “دي مش أول مرة أبقى عامل أغاني سواء من ألحاني أو من ألحان زمايلي المحترمين اللي بتعامل معاهم ويتسرق اللحن ويتعمل بيه أغاني ودي سرقة صريحة تستوجب اتخاذ إجراءات قانونية وعليه بيتم حاليًا اتخاذ كافة الإجراءات القانونية اللي تحفظ حقي وحق زملائي الملحنين ضد اللي سرقوا الاغنية لوقف المهزلة دي”.
