الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أحمد فلوكس يبعث رسالة شديدة اللهجة للمترحمين على اليوتيوبر مصطفى حفناوي (فيديو)

القاهرة 24
فن
الإثنين 10/أغسطس/2020 - 08:17 م

عبّر الفنان أحمد فلوكس عن غضبه تجاة حالة الجدل التي أثارها رواد مواقع التواصل الاجتماعي، والكلمات المؤثرة التي نعوا بها اليوتيوبر الشهير مصطفى حفناوي، الذي رحل عن عالمنا اليوم.

وتحدث “فلوكس” عن الذين عبّروا عن حزنهم لوفاة “حفناوي”، وذلك عبر مقطع فيديو نشره عبر حسابه الشخصي على موقع التواصل الاجتماعي “فيس بوك”، وقال: “أبويا علمني مغلطش في حد كبير، وأنا معرفش مصطفى حفناوي، ولكن متابع حالته من عدة أيام، محدش زاره غير تامر حسني لأن تامر راجل، بقاله 7 أيام بيناشد عايز يتعالج، مسمعناش عن اللي كتبوا عنه في طبق اليوم، دلوقتي كله الله يرحمه، كله بما فيهم الأستاذ الفاضل الكبير هاني شاكر، اللي قال أنا معرفوش بس قلبي وجعني، طب قلبك موجعكش وهو مش لاقي مستشفى تستقبله وهو عنده جلطة في مخه؟؟”.

ووجه رسالة شديدة اللهجة لكل مترحمي ذلك “اليوتيوبر”، وأردف: “اتقوا الله كفاية متاجرة بالبني آدمين، كفاية، إيه دا إيه دا، ما كان بقاله 6 أيام مش لاقي حد يعالجه أو يساعده، اللي عرف الناس القصة لما تامر حسني راح زاره، دلوقتي بقى كله فاكره، أستاذ هاني شاكر هو تامر حسني النقيب ولا أنت، اتقوا الله، انتو بتاجروا بموت بني آدم، دا شاب وصغير، الناس اللي كاتبين الله يرحمه الفنانين والفنانات والمنتجين كنتوا فين وهو يوتيوبر وكان عايز يمثل، وهو بيروح من الكرفان دا للكرفان دا وعايز يمثل، مخلتهوش يمثل ولا يبقى فنان ليه”.

وأضاف: “ولا لما مات افتكرتوه، إيه دا، طيب مش انتو زعلانين عليه، أنا بطالب كل اللي كتب الله يرحمه إنه يروح يبني جامع باسمه مدام انتو رجالة أوي كدا، احنا في زمن غريب، آل الفنان هاني شاكر بينعي كنت فين وهو مش لاقي مستشفى، وقبليه ملحن ولا موزع مات عشان مرمي في مستشفى مش عارف يتعالج، انتو إيه نوعيتكو إيه انتو، بنتاجر بموت الناس، وإيه كل الأسامي وكل النجوم وكل الزفت، مهو مات، بتاخدوا لقطة على واحد ميت، نحن في زمن، يا ريت الكورونا كانت علمتكو حاجة، طلعتوا منها جعانين أكتر”.

اليوم.. أحمد فلوكس يصل القاهرة قادما من دبي لتسجيل أولى تجاربه الغنائية

“مش منطقي أحبس أختي”.. أول تعليق من أحمد فلوكس على حكم حبس شقيقته 6 أشهر

Gepostet von Ahmed Falawks am Montag, 10. August 2020

تابع مواقعنا