الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

علاج بالحضن والصور الشخصية.. اتهامات لطبيب نفسي بالتحرش بالمريضات في طنطا (صور)

القاهرة 24
محافظات
الأربعاء 02/سبتمبر/2020 - 08:17 م

ادعت بعض السيدات، تحرش طبيب نفسي شهير بمدينة طنطا بهن من خلال التلامس والحضن داخل عيادته الشخصية كنوع من العلاج، ونشرن قصصهن عبر موقع التواصل الاجتماعي “فيس بوك”، وسادت حالة من الاستياء عقب ظهور قصصهن على صفحاتهن الشخصية.

وزعمت إحدى الضحايا قائلة: “أنا بدأت معاه من أول جلسة قبل 3 سنوات، طلب مني يشوف صور ليا بشعري على الموبايل، وقالي ليه مش بتتصوري وتشوفي نفسك حلوة، وكان في الجلسات بياخد موبايلي يقلب فيه”.

النائب العام يأمر بالتحقيق في بلاغ ضد طبيب شهير متهم بالتحرش بالرجال

 

في نفس السياق تداول مستخدمو مواقع التواصل الاجتماعي، ما حدث مع الضحية رقم 4 خلال جلسات الطب النفسي في عيادة الطبيب المتحرش وفقًا لمزاعمهن: “قفل الباب بالمفتاح وسألته بتقفل ليه؟ قالي عشان لو هتعيطي محدش يخش عليكي ويحرجك، صدقته ثم طلب مني صور بملابس مثيرة، والوقوف أمام المراية للاستمتاع بجمال جسمي، كنوع من أنواع الثقة بالنفس، لكن رفضت، بعدها قعد يقنعني عن العلاج بالحضن، وإن ده موجود في بعض الدول”.

وتابعت إحداهن: “في أول فترة العلاج بيحاول يقرب من الضحية، وبيتكلم معاها كتير بحجة إنه يعرف يعالجها كويس، أما في الفترة الثانية في العلاج بيفضل على اتصال بالمريضة عن طريق الشات لحد ما يخليها تبقى معتمدة عليه في كل حاجة، وتاخد رأيه في كل حاجة وبعدين يختفي ويحصل للحالة بانيك اتاكس”.

وحاول موقع “القاهره 24″، التواصل مع الطبيب النفسي، للرد على الاتهامات الموجهة إليه لكنه رفض بحجة انشغاله في جلسة علاج نفسي لمدة ساعتين.

 

 

تابع مواقعنا