شقيق عبد الرازق الشيمي لـ”القاهرة 24″: “مستاء من تجاهل نقابة المهن التمثيلية وفاة أخي”
عبّر محمد الشيمي شقيق الفنان عبد الرازق الشيمي الشهير بـ”فرعون السينما”، عن استيائه من تجاهل نقابة المهن التمثيلية لوفاة شقيقه، بالرغم من تعامله مع العديد من نجوم الفن على مدار 30 عامًا في مشواره الفني.
وقال محمد الشيمي لـ”لقاهرة 24″: “أقل تقدير من زملائه كانوا ينبهوا بموته أو ينعوه، وآه هو كان مش مقيد بالنقابة وكان بيشتغل بتصاريح مؤقتة ولكن كواجب إنساني وكزملاء حتى مش معنى إنه بتصريح إنه ميتذكرش مع إنه له أعمال كتير”.
وأردف: “مش مستنيين حاجة من حد، ولكن الفكرة كلها، في تقدير زملائه، ومحدش تواصل معانا، مع إن الفنان أشرف زكي عارفه والسقا وهنيدي والمجموعة اللي اشتغل معاهم على مدار 30 سنة شغل، آه كانت أدواره صغيرة وكانت مميزة بالشكل والكاركتر بتاعه”.
ورحل عبد الرازق الشيمي عن عالمنا صباح يوم السبت الماضي، بعد معاناته مع سرطان الرئة، ورحلته مع المرض لم تستغرق شهرًا واحدًا، وتوفاه الله في مستشفى الهرم.
شقيق عبد الرازق الشيمي يكشف لـ”القاهرة 24″ سبب وفاته
عبد الرازق الشيمي “فرعون السينما”.. “عفروتو” تسبب في شهرته وشكا من تهميش دور الكومبارس (صور)
