محمد عطية عن ارتباطه بميرنا الهلباوي: “عجبتني من 3 سنين ونص ولقيتها مخطوبة”
كشفت الكاتبة والمذيعة ميرنا الهلباوي، كيف بدأت علاقتها بنجم ستار أكاديمي محمد عطية، التي اشتعلت بها مواقع التواصل الاجتماعي الأسبوع الماضي ، بعد إعلانهما على حساباتهما الشخصية بموقع تبادل الصور والفيديوهات القصيرة “انستجرام”.
وقالت الهلباوي خلال لقائها مع برنامج “Et بالعربي”، إن علاقتها بمحمد عطية بدأت حينما كانا يعملان بإحدى محطات الراديو، : “قالولي عندك مقابلة مع محمد عطية وأنا مكنتش أعرفه شخصيًا، ولا كنت لسه عملاله فولو، وده من 3سنين ونص”.
بينما قال محمد عطية في ذات اللقاء: “اللي حصل إن أنا روحت وكان معايا صاحبي اللبناني، وميرنا عجبتني جدًا، ولقيته بيقولي أنت هترتبط بميرنا، وأخدت رقمها وبعتلها واتساب، وبعيد عنك بلمح لتلاجة، وبعدين لقيتها اتخطبت”.
وتابع: “رجعت بقى من لبنان ومكنتش أعرف أنها متوفقتش في خطوبتها، واتقابلنا عادي صحاب، وسألتها فين خطيبك، قالت لا ما خلاص قولتلها إيه ده مقولتيش ليه؟.. وبعدين بعتلها أغنية بيني وبينك لعبد الحليم”.
واختتمت ميرنا الهلباوي: “أنا مبسوطة أني عرفت عطية عشان هو بجد رجعلي إيماني بفكرة الحب والشخص اللي كنت بدور عليه طول حياتي”.
“أنت العلاج الأمثل لقلقي”.. محمد عطية يُعلن ارتباطه بميرنا الهلباوي
من هي ميرنا الهلباوي التي ارتبطت بمحمد عطية نجم ستار أكاديمي؟
