لبلبة: منى زكي توأمي.. ووحيد حامد يستاهل أكتر من كده

وجهت الفنانة لبلبة كلمة للكاتب الكبير وحيد حامد، عقب تكريمه من مهرجان القاهرة السينمائي، بجائزة الهرم الذهبي، تقديرا على مشواره، وذلك خلال حضورها حفل ختام مهرجان القاهرة السينمائي الدولي، بدورته الـ42، المقام حاليا في دار الأوبرا المصرية.

وقالت لبلبة خلال لقائها مع قناة “DMC”: “وحيد حامد لن يتكرر، وهو حاجة كبيرة جدا وشديدة التميز، ومن غير ما تشوفي اسمه على الفيلم، بتعرفي إن الحوار ده بتاع وحيد حامد، وهو قيمة كبيرة جدا ويستاهل أكتر من كدة، ومنى زكي توأمي وبرجها زيي، لأنها بتنقي بحرص ومش بتعمل أي حاجة وبرضو شديدة التميز”.

أما عن كونها تشارك في لجنة تحكيم المهرجان، فقالت: “أنا بقالي كتير كلجنة تحكيم، فطبعا متعودة على الحركات اللي بتحصل كلها، ولما بتبقى الأفلام قوية وجامدة، بيحصل نقاش كتير وبنبقى حيرانين، والأفلام السنة دي كانت قوية جدا”.

إلهام شاهين عن “حظر تجول”: “لم يخدش حياءنا لحظة”

محمد حفظي عن عدم إهداء الدورة الـ42 لفنان: “ده العادي وغير ذلك استثناءات”