“هقعدك جنب أمك”.. ننفرد بنشر أقوال شرطي المرور في واقعة “نجل القاضي” (مستندات)
ينفرد “القاهرة 24″ بنشر نص التحقيقات في قضية طفل المرور، والتي أثارت موجة من الغضب العارمة على مواقع التواصل الاجتماعي؛ وذلك بعد إهانة الطفل و3 من أصدقائه، أحد رجال الشرطة والتنمر عليه والإساءة.
ووجهت جهات التحقيق في سؤال شرطي المرور المجني عليه قائلة: لاحظنا تواجد، محمد فوزي جاد الله والمتهمان أحمد أبو المجد عبد الرحمن، وائل مصطفى عبدالرزاق، خارج غرفة التحقيق، فدعونا المجني علية بداخل الغرفة وشرعنا إلى سؤاله وبالإتي أجاب:
اسمي محمد فوزي جاد الله السن 35 سنة، أمين شرطة ثالت بالإدارة العامة لمرور القاهرة.
تقرير إدارة التكنولوجيا: طفل مرور المعادي أرسل مقطع فيديو تعديه على الشرطي لفتاة للاستعراض
س: ما طبيعة عملك واختصاصك الوظيفي؟
ج: أنا أعمل أمين شرطة ثالث بالإدارة العامة لمرور القاهرة بقسم شرطة البساتين واختص بتنظيم الحركة المرورية بدائرة، القسم وتحرير المخالفات المرورية لقائدي المركبات، بإختلاف أنواعها.
س: منذ متى وأنت تباشر مهام عملك واختصاصك؟
ج: من حوالي عشر سنوات.
س: ما هي تفصيلات ماحدث ومعلوماتك بشأن الواقعة محل التحقيقات؟
ج: اللي حصل إن أنا كنت معين خدمة مرورية في ميدان بيتشو، بزهراء المعادي، وكان ذلك بتاريخ 26 أكتوبر والخدمة بتاعتي بتبتدي من الساعة السادسة صباحا، وحتى الساعة الرابعة عصرا وفي نفس اليوم 26 الساعة التانية عشر ظهرا لقيت بعض المواطنين مستقلي المركبات وبيخبروني بأن فيه عربية مرسيدس ولونها أسود، سايقها عيل صغير وبيسوقها بطريقة متهورة، وبيعمل غورز في الشارع وأثناء وأنا واقف في الخدمة لقيت العربية جاية عليا فوقفتها، ولقيت فعلا عيل صغير سايقها، ومعاه أربعة عيال من سنه راكبين العربية فسألت، الطفل قائد العربية وقولتله فين الرخص قالي مش معايا رخص والعربية دي هيئة قضائية بتاعت بابا وبابا شغال في مكتب وزير العدل.
وتابع الشرطي: لاحظت أن زجاج العربية ملون “فاميه” فاصريت على أنه يطلعلي رخص العربية وهو كان بيقولي مش معايا وبيتكلم بإسلوب مش كويس.
واستطرد الشرطي أن الطفل قال مش عارف بيتكلم مين وانت مش عارف أنا أبن مين؟ وبعدين لقيت أصحابه اللي راكيبن العربية قعدوا يوجهوا ليا كلام ويقولوا لي احنا ممكن نضربك ونكسحك ونقعدك جنب أمك لولا أنك راجل كبير.
واستكمل الشرطي حديثه، فوجهت سؤالي إلى سائق العربية وقولتله أنا عايز الرخص فقالي مش معايا، لقيته بيسألني فين كمامتك فقولتله مش معايا فقالي أبعد وشك بعيد عني وأبعد إيدك عن العربية، وبعدها أنا اتحركت كام خطوة لمقدمة العربية علشان أخد أرقام اللوحة الأمامية، وإحرز مخالفة مرورية باللي حصل ومرة واحدة، لقيته بيتحرك بالعربية، وهوشني فخلاني أقع على الأرض على ضهري ورجلي اليمين جت على الباب الخاص بقائد السيارة وبعدين شوفته وهو باصص ناحيتي وبيشتمني وبقولي “غور كدة وشتمني بأمي”.
تحقيقات قضية “طفل المرور”: والد الطفل المستشار حرر عقدًا لبيع السيارة للتهرب من المسئولية (مستند)
وأكمل: وبعدها قومت على طول، لقيته مشي مشيت بالعربية وقدرت أني أخد رقم العربية من اللوحة الخلفية وكانت اللوحات العربية وحررت مخالفة للعربية وهما زجاج ملون، بدون رخصة قيادة، ورخصة تسيير، وعدم إتباع تعليمات رجل المرور بالنموذج رقم 397659، وبعدها فضلت واقف في مكان خدمتي وبعد الواقعة دي بحوالي نص ساعة لقيت الطفل سواق العربية المرسيدس وصحابه اللي كانوا معاه جايين نحيتي على رجليهم من غير العربية واحد منهم ماسك تليفونه وعمال يصورني وكلهم عمالين يهددوني ويستفزوني ويقولولي، أحنا مش هنوقفك هنا تاني وهنقعدك جنب أمك وممكن نضربك.
واستكمل وبعدها خدوا بعضهم ومشيوا وأنا معملتش ليهم حاجة وبعدها بحوالي بنصف ساعة تقريبا جالي الطفل سواق العربية المرسيدس ومهاه أصحابه وكانوا ساعتها راكبين العربية المرسيدس ولقيت الطفل هو قاعد خلف الدركسيون بيعتذرلي وبيقولي “أنا أسف يا عم حقك عليا” وأنا قولتله خلاص حصل خير وبعدها الطفل خد بعضة وصحابه والعربية ومشي هو ده كل اللي حصل.
س: متى وأين حدث ذلك نحديدا؟
ج: الكلام ده حصل يوم الإتنين اللي فات بتاريخ أكتوبر حوالي الساعة الثانية عشر ظهرا بميدان بيتشو زهراء المعادي_ دائرة قسم شرطة البساتين.
س: ما سبب ومناسبة تواجدك بالزمان والمكان سالقي الذكر؟
ج:أنا كنت معين خدمة مرورية بميدان بينشو بزهراء المعادي_ البساتين.
س: من كان برفقتك أنذاك؟
ج: كنت لوحدي ساعتها.
قرار الإحالة بواقعة طفل مرور المعادي: “تعمدوا إيذاء رجل المرور” (مستند)
