تامر شلتوت عن وعكته الصحية: ابتلاء من ربنا.. والدكتور أنقذ حياتي
كشف الفنان تامر شلتوت، مستجدات حالته الصحية وذلك بعد تعرضه لوعكة صحية خلال الأيام الماضية، وخضع على إثرها لـ عملية جراحية.
وقال تامر شلتوت، في أول ظهور له بعد تحسن حالته الصحية، إذ نشر مقطع فيديو عبر حسابه الشخصي بموقع إنستجرام: ده أول فيديو أصوره بعد ما ربنا أراد ليا أني أقوم من الوعكة الصحية وأنا بشكر كل اللي سأل عليا وكل أصدقائي وزملائي وكل الصحفيين اللي اهتموا يسألوا عليا، الحمد لله ده مرض وابتلاء من الله عز وجل وربنا أراد أنها تعدي على خير.
وأضاف تامر شلتوت: صدقني أنا معرفش إيه اللي حصل ولا كان وضعي إيه، وكل اللي أعرفه أني كنت مع بعض الأصدقاء في زيارة في أمريكا ومكنش في بالي أي حاجة، وفي يوم من الأيام وأنا هناك حصل في رجلي التهاب خفيف جدًا ومعرفش سببه إيه ولا حصل إزاي، ورجعت مصر ومكنش عندي مشاكل وبعدين المنطقة بدأت توجعني وتكبر، رحت مستشفى كبيرة ومحترمة وقابلت دكتور وقالي لازم تعمل أشعة مقطعية وتلفزيونية، وإداني مضاد حيوي.
تفاصيل الحالة الصحية لتامر شلتوت
وأكمل شلتوت: كل ده حصل معايا وأنا تامر شلتوت، يعني مش شخصية عامة ودي مستشفى خاصة، رجعت البيت وخدت المضاد الحيوي ولقيت نفسي نايم 4 أيام مصحتش فيهم، بصيت على نفسي لقيت المكان ورم أكتر وبيوجع جدًا ومش عارف أقف، والمساعد بتاعي وداني لدكتور ومن فضل ربنا عليا أني رحت لدكتور أمين، رحت له الساعة 12 بالليل مش قادر أمشي وبقوله أنا فيا إيه، وكل اللي قالهولي هناخد بنج كلي ولا نصفي، والدكتور ده أنقذ حياتي لأني كنت على المحك.
