ديل حيوان في الأكل.. سيدة تهدد بمحاسبة شركة كوكي: مش هسيب حقي وهرفع قضية
صدمت سيدة تدعى سالي أبو زيد، مستخدمي وسائل التواصل الاجتماعي بنشر مقطع فيديو عن شركة كوكي، تشير فيه إلى أنها وجدت ذيل حيوان في الطعام الذي اشترته من منتجات الشركة، مهددة بمقاضاتها لما تسببت فيه من خطر على صحة أولادها.
أم تهدد بمحاسبة شركة كوكي
ونشرت سالي أبو زيد مقطع الفيديو تعرض فيه ذيل الحيوان الذي وجدته في طعامها، موجهة رسالة لشركة كوكي: أنا هوديكوا في ستين داهية.
وتابعت: أنا زي أي أم بشتري برجر، وبنجيب كيس كوكي وياريته رخيص، عشان أتفاجئ بعد ما عملت الأكل وناكل البرجر يطلعلنا ديل حيوان، الله أعلم ده برص ولا فار صغير.
وأضافت أن الأمر أثر عليها نفسيا لدرجة جعلتها لا تطيق تناول الطعام منذ ذاك المشهد الذي أثار اشمئزازها للغاية، كما زاد من قلقها على صحة أطفالها، فيما يخص الأكل السريع والطعام الذي تشتريه من الخارج، وتكون كأي أم مضطرة في بعض الأحيان اللجوء لبدائل أخرى، متابعة: أنا عايزة أقولكوا من ساعة الموضوع ده وأنا مليش نفس آكل ومعدتي قفلت، ده غير النزلة المعوية والترجيع اللي رجعته.
واختتمت حديثها قائلة: إني أسكت عن صحة ولادنا مينفعش، ده أنتم منكم لله، دي حاجة بسيطة بنعملها في البيت وما خفي كان أعظم، يا ترى الحاجات اللي برا عاملة ازاي، أرواحنا وأرواح عيالنا مش ببلاش، أنا هروح أحلل ده ومش هسكت وهرفع عليكم قضية يا شركة كوكي، عشان المنظر ده ميرضيش ربنا، حسبي الله ونعم الوكيل ومش هسيب حقي.
