مستشهدًا بمحمود طاهر.. الدماطي: الأهلي مفيهوش صراع على السلطة
كشف محمد الدماطي عضو مجلس إدارة الأهلي، أحد مميزات العمل الإداري بالقلعة الحمراء على مر التاريخ، مستشهدًا بموقف محمود طاهر الرئيس السابق للنادي.
الدماطي: الأهلي مفيهوش صراع على السلطة
وكتب الدماطي عبر حسابه الشخصي على موقع فيسبوك: أكبر ميزة في الأهلي تاريخيًا، إن الأهلي مفيهوش صراع سلطة.
وأضاف: في الأهلي مجرد بقي فيه مجلس إدارة، كله بيقف على الخط بيستنى، يا إما بيدور وشه، أو يستنى تاني لما تجيله الفرصة.
واختتم عضو مجلس إدارة الأهلي: مجلس الإدارة بيشتغل بأريحية غير أي حتة تانية في مصر، المهندس محمود طاهر خرج ومقالش كلمة وحشة في حقنا، ولما بيتسأل قال أنا في ظهر مجلس الإدارة.
وأثار محمد الدماطي جدلًا في الأيام الماضية، بعد تصريحاته حول مساندة فريق بيراميدز حال مواجهة الزمالك في نهائي أي بطولة، حيث قال في تصريحات إعلامية: الكرة في مصر يعني أهلي وزمالك، لكن لو الزمالك بيلعب مع بيراميدز على نهائي أي بطولة أنا ممكن أشجع بيراميدز.
وتعرض عضو مجلس إدارة الأهلي لهجوم على مواقع التواصل الاجتماعي، حيث عاد ليوضح تصريحاته عبر منشور له: كلمتين عشان القيل والقال الكتير، وعشان أنا مش بحب جو التقطيع وسوء النية.
وأردف: أنا قلت في حديثي اللي متقالش من زمان في علاقة الأهلي بالزمالك إن مفيش حاجة اسمها عداوة ودة جو خيالي، وطول ما فيه كشافات بتترفع في الدقيقة 20 من جمهور الأهلي والدقيقة 74 من جمهور الزمالك يبقى مفيش حاجة اسمها عداوة.
واختتم: وقلت إني ممكن أشجع ضد الزمالك في ماتش، لكن لو عندي اختيار أحب دايمًا الزمالك يبقى موجود، وكل بيت وشركة ومدرسة عبارة عن جمهور أهلي وزمالك، حتى دوري 2021 قلت إن لو الأهلي كان مكان الزمالك وقتها كان حصل نفس الموضوع.
