تامر النحاس وكيل اللاعبين يفجر مفاجأة بشأن انتقال زيزو لـ الأهلي
فجّر تامر النحاس وكيل اللاعبين مفاجأة كبرى بشأن الانتقال المحتمل لـ أحمد سيد زيزو إلى صفوف النادي الأهلي خلال فترة الانتقالات الصيفية المقبلة.
تصريحات تامر النحاس
وقال تامر النحاس في تصريحات تليفزيونية: تفاوضنا مع زيزو ووالده قبل تجديده الأخير مع الزمالك وكان يتبقى في عقده موسم ونصف وكان هناك عدة سيناريوهات ومنها سفره للخارج والعودة للأهلي ولكن الاتفاق لم يتم.
وأضاف: قبل تجديد زيزو للزمالك من سنتين، الأهلي تفاوض مع زيزو ووالده ومعانا أمير توفيق وقعدنا كلنا وشبه اتفقنا على كل حاجة، والد زيزو كان ساعتها بيفكر في حاجة واحدة إن زيزو ياخد أعلى عقد، بعدها بساعة زيزو ووالده راحوا قعدوا مع نادي بيراميدز عشان يوصلوا لأعلى رقم، عمرو بسيوني مسؤول بيراميدز كلم أمير قاله انتوا فعلا وصلتوا مع زيزو للرقم دا عشان هو قعد معانا، بعدها لما الأهلي عرف إن زيزو راح قعد مع مسؤولين بيراميدز صرف النظر عن التعاقد مع لاعب الزمالك.
وبخصوص توقعه عن مستقبل زيزو، أتم تامر النحاس تصريحاته قائلًا: لو هو ركز في الفلوس هيبقى الزمالك، لو اختار نادي هيبقى الأهلي الأقرب لأن في احتياج للطرفين لبعض.
