شريف مدكور يرد على سيدة روجت لـ شائعة وفاته: ملتك إيه؟.. هحبسك وهتتذللي علشان أتنازل
رد الإعلامي شريف مدكور، برسالة شديدة اللهجة على سيدة روجت لـ شائعة وفاته، موضحًا أنه سيقاضيها بسبب ترويجها للشائعة مستنكرًا فعلها بشكل كبير.
وقال شريف مدكور، في فيديو عبر حسابه بموقع فيس بوك: فيه سيدة عاملة فيديو بتقول فيه أني توفاني الله بعد وعكة صحية، أنا عرفت ده لما كلمت أمي ولقيتها مذعورة ومخضوضة عليا، تخيلوا أم شايفة خبر وفاة ابنها.
وتابع شريف مدكور، موجهًا حديثه للسيدة مروجة شائعة وفاته: "أنا عايز أعرف أنتي ملكِ إيه؟ للأسف أنا شخصية مؤدبة مش هعرف أشتمك ولا أهينك.. هتتسجني وبنتك هتتشرد وهتبوسي إيدي ورجلي وتتذللي علشان أتنازل، أنتي عندك بنت هتربيها إزاي؟ اللي عملتيه ده ممكن يرميكي في السجن."
واختتم شريف مدكور: "أنتي مبتعرفيش تتكلمي، وصوتك يقرف وطريقتك تقرف وأنتي كائن مقرف، وأنا عمري ما وصفت حد بكده بس أنتِ مقرفة وأتمنى تسمعي الوصف اللي بوصفه ليكي، وأنا لو فاضي ليكي وعندي وقت هاجي أجيبك من قفاكي واسجنك."
وعلى جانب آخر، سبق وأن رد الإعلامي شريف مدكور على انتقادات حديثه في الدين بعد استشهاده بآيات من القرآن الكريم عن الحساب بالقبر، حيث كتب عبر فيس بوك: “أنا أتكلم في الدين براحتي وأقول اللي أنا عاوزه مدام مش بكفر حد، والحاجة الوحيدة اللي مش من حق مخلوق يقولي متتكلمش فيها هي ديني، على الأقل أنا ببحث وبجتهد علشان أزود إيماني ويقيني والله أعلم.. أنا مش خروف هامشي ورا كلام حد”.
