عمرو سعد: توجيهات الرئيس بشأن الدراما بسبب إحساسه بالمسؤولية الأخلاقية
علق الفنان عمرو سعد، على توجيهات الرئيس عبد الفتاح السيسي، بشأن الأعمال الدرامية في السباق الرمضاني 2025، موضحًا أنه يتفهم بشدة هذه التوجيهات وهي نابعة من إحساس الرئيس بالمسؤولية الأخلاقية.
وقال عمرو سعد، في لقائه مع الإعلامي شريف عامر، في برنامج يحدث في مصر: أنا قادر أفهم كويس أوي رغبة القيادة السياسية ومعاها مليار في المية، وقادر أفهم روح الوطنية اللي عندهم في أنه محتاج يستخدم أدواته الإعلامية والدرامية في أنه يأثر في الناس.
وتابع عمرو سعد: الرئيس لما اتكلم في ده كان عنده إحساس بالمسؤولية كبير جدًا، أنا كمواطن أقدر أفهم جدًا أنه عنده هم كبير أوي وحاسس بمسؤولية أخلاقية، ولكن إذا أنا النهاردة عايز أطور الطب مش أجيب الدكاترة؟، وهو يعني إيه أهل التخصص؟، إحنا شفنا كتير جدًا مئات الأفلام من المقاولات مش هتفتكر غير اللي قدم قيمة، واللي قدم فن هادف واستعراض باقي، وده قيمة الفن أنه حاجة بتمشي تلقائية وأصحابها يصححوها.
وواصل: طريقة الكلام عن الفن على أنه ديناصور وعايزين نحافظ عليه لازم تتغير، ونتكلم فيها بشكل علمي وتجيب أهل العلم يطوروا فيه إذا كنا محتاجين نوصل حاجة للناس.
توجيهات السيسي بشأن دراما رمضان
وسبق وأن شدد الرئيس عبد الفتاح السيسي، بضرورة تعزيز القيم في صناعة الدراما والسينما، وضرورة مواجهة موجات العنف والجريمة وتعاطي المخدرات، وإشعال الصراع المجتمعي، وترويج الابتذال اللفظي والانحراف السلوكي، وتدمير قيم العائلة.
