1 مايو.. نظر المعارضة الاستئنافية للمتهمين بفبركة سحر اللاعب مؤمن زكريا
قال المحامي معتز السيوفي أن المحكمة المختصة حددت 1مايو، لنظر المعارضة الاستئنافية للمتهمين بفبركة سحر اللاعب مؤمن زكريا.
فبركة سحر اللاعب مؤمن زكريا
وفي وقت سابق، قررت محكمة جنايات القاهرة المنعقدة بمجمع محاكم زينهم اليوم الثلاثاء، تأييد حبس المتهمين بفبركة واقعة سحر اللاعب مؤمن زكريا 3 سنوات، لتغيبهم عن جلسة المحاكمة.
وحصل القاهرة 24 على نص التحقيقات في واقعة فبركة السحر للاعب مؤمن زكريا، بعدما استمعت جهات التحقيق لأقوال زوجته.
وعن تفاصيل الواقعة، قالت زوجة مؤمن زكريا أمام جهات التحقيق قائلة: اللي حصل إن مصطفى ابن بنت خالتي قالي إن فيه ناس كلموه عن زوجي لأنهم لقيوا سحر معمول له وكانوا عايزينه يشوف الطلاسم قبل ما يجيبوا شيخ ويفكها.
وأضافت: قولت له ابعتلي رقم اللي لقي السحر وأنا هكلمه، واتفقنا إن مؤمن يروح تاني يوم له، ولما راح زوجي ووالده وشافوا الحاجة وكان معاه ناس صحابه وعرفت من مؤمن إنه لما راح فيه ناس تانية كانت موجودة، وهو شاف العمل كان في مّية.
وعن تأذيها من المتهمين بفبركة السحر، قالت: أنا مفيش ضرر وقع عليا، بس أنا جيت أشهد باللي حصل ومين اللي كلمني ومين اللي كانوا موجودين في الواقعة.
