أصالة تدعم ابنتها بعد غلق عيادتها: مرينا بامتحانات صعبة.. وبنتي النور اللي مضوي حياة آلاف البشر وأنا منهم
حرصت الفنانة السورية أصالة نصري، على دعم ابنتها شام الذهبي، بعد أزمة غلق وتشميع عيادتها Dao Darma للجلدية بالقاهرة الجديدة.
وكتبت أصالة، عبر حسابها بموقع فيس بوك: كتير مرّينا أنا والولاد بامتحانات صعبة، وأيام أصعب وبكلّ مرّة ما كان عندي شكّ بعدل رب العالمين وكانت حياتي من بداياتي لليوم عبارة عنّ جملة بتقول -الناس الأشرار قلال بس بيوجعوا ولازم دائمًا مهما كترت الجروح والصدمات نقارنهم بالكتار ونتذكرهم لنعرف إنهم مهما كتروا قلال- ونحن اليوم بامتحان من الامتحانات وبيمرّ ورح يمرّ وشام هي النّور اللي مضوّي حياة آلاف البشر أنا منهم.
وواصلت أصالة: بنتي الملاك رح تبقى ملاك وما رح يوجعها أكتر من وقته الوجع ودواها احنا أهلها اللي كان لنا سعادة تكون شام منّا وفينا شام حبيبة الحياة وأهلها طاقة العلم والتهذيب والعطاء عم تمرق منّ شارع ضيّق بالحياة اللي فيها شوارع مضوايه بأهل أنتوا منهم يا طيبين يا أهلنا وأصحابنا وناسنا.
واستكملت: الشارع مهما ضاق رح يخلص ورح تطلع منّه منّ غير ماتشوف وراها أو حتّى تتذكّر شو كان المرور صعب وما في مرور إلًا وبتصادفه عثرات والعثرات بتكبر وبتكتر لمّا المرور منّ رحلة الحياة بيكون مو عادي ونجاح شام مو عادي ومرورها بالحياة أكيد حيصادفه عثرات وأكيد حيكون فيه صعوبة حتّى بتحقيق السهل.
واختتمت أصالة: كلّ القلوب الحلوة يا حلوة الحلوات معك وبتدعمك وقلبي قبل إيدي وروحي ملكك وتحت أمرك وبدعي لك وبتوسّل ربّي برحمته يحتويكي.. وبتصير أشياء بتكون عكس ما توقعنا وبتصدمنا لتقوّينا وترجًعنا أحلى وأقوى وأحنّ وأهدى وشامي الحلوة حلوة وهادية وإنسانة وكلّ طاقات الفرح والفرج رح تتهيّأ لها والله مع المخلصين.
