ياسمين عز لـ الفتيات: علاقة صحية إيه اللي بتسألوني عليها.. محدش لاقي يتجوز
وجهت الإعلامية ياسمين عز، رسالة لـ الفتيات في برنامجها كلام الناس، عن العلاقات العاطفية الصحية.
وقالت ياسمين عز، في مقدمة برنامجها كلام الناس، المذاع عبر شاشة قناة MBC مصر: واحدة سألتني إزاي تعرف إذا كانت في علاقة حب صحية، عايزة تعرفي أنتي في علاقة صحية ولا لأ بصي على جهازك العصبي مش الهضمي، لو لقيتي نفسك بتتحركي بسرعة ومش مرتاحة ومتنرفزة ومش عارفة تنامي من كتر التفكير وبتطشي البطاطس بعصبية اعرفي إن جهازك العصبي فيه مشكلة، بتاكل بنهم وبتاكلي أخواتك الصغيرين في البيت جهازك العصبي غلط، من غير ما تروحي للدكتور أنا طبيبتك هنا، وفري الفلوس وروحي جيبي له هدية، والعكس صحيح لو لقيتي نفسك هادية أنتي في علاقة صحية، من غير دكاترة.
وتابعت ياسمين عز: لو سألتيني أنتي في علاقة صحية يا ياسمين؟، هقولك مالكيش دعوة أنتي مش صاحبتي متدخليش في خصوصيتي، علاقة صحية إيه اللي بتسألوني عليها.. الذهب بقى بـ أكتر من 5000 جنيه، العلاقة صحية أو مش صحية محدش لاقي يتجوز.
ياسمين عز
وفي وقت سابق، وجهت ياسمين عز، رسالة للفتيات، ناصحة إياهن بأن يدعو لنفسهن بأشياء أكثر من مجرد عودة الحبيب، وقالت ياسمين عز خلال برنامجها كلام الناس، المذاع عبر قناة mbc مصر: أنا خجلانة من أهلك بالنيابة عنك إنك بتفطري معاهم السنادي.. لازم تخجلي من نفسك وإنتي قاعدة لسه في بيت أهلك.. ما صدقنا كبرتي وأرجو رمضان الجاي متكونيش معانا.
