هاني الدقاق عن الإطلالات الغريبة للفنانين بالحفلات: اللبس مش بيحدد النجم
تحدث الفنان هاني الدقاق عن رأيه في ظهور بعض الفنانين مؤخرًا في الحفلات، وهم يرتدون يعض من الاستايلات الغريبة، مؤكدًا أن ذلك الأمر لا يحدد نجاح النجم.
وقال هاني الدقاق خلال لقائه مع القاهرة 24: مش اللبس اللي بيحدد النجم، وفيه ناس بتحب تلفت النظر ولكن إحنا مش بنحب لفت النظر، وأهم حاجة عندنا إن الجمهور يلمس الأداء، وبنلبس لبسنا العادي ومبسوطين بيه، لأن مش بنحب الفكر الملسوعة دي.
واسترجع الفنان هاني الدقاق ذكريات طفولته خلال احتفاله أول أمس بمرور 20 عاما على تأسيس فرقة مسار إجباري، من خلال الفيلم الوثائقي، كاشفًا سبب نجاح الفريق.
وأضاف الدقاق لـ القاهرة 24: وأنا بسترجع ذكرياتي اكتشفت إني كنت طفل هادي جدًا، بس كنت شقي مع نفسي شوية.
وعن مرور 20 عاما على تأسيس فرقة مسار إجباري، اختتم الدقاق حديثه قائلا: 20 سنة عدوا هوا ومكناش متخيلين إننا ممكن نكمل سنة واحدة، والحمد لله فخور إننا قدرنا نكمل لأن الصعوبات مش بتنتهي واحنا بنعمل الحاجة اللي الجمهور يحبها، ومبسوطين وربنا رزقنا وكرمنا لأن كلنا متميزين مع بعض في فرقة مسار إجباري.
